.
.
.
.
.
.
.
.
.
[BACKGROUND="100 http://im32.gulfup.com/vmU8h.png"]
السلام عليكم ورحمة الله وبركاته
اسعد الله اوقاتكم يا أحباب ,, بالخير والسعاده والسرور
حلى الجوري بقوالب السليكون حلى سهل وبنفس الوقت تقديمه انيق ويبيض الوجه 🙂 
اتمنى يعجبكم ,,,
نبدا على بركة الله …
اول خطوه نذوب كاكاو بحمام مائي او الميكرويف وانا استخدمت نفس الكاكاو حق غندور 
ممكن الجالكسي او الكاكاو القوالب بالسوبر ماركت المهم كاكاو ساده ويفضل يكون بالحليب
لما يذوب نبدا ندهن قوالب السليكون طبقه اولى راح تلاحظون فراغات بس عادي لاتهتمي
لما ننتهي من القوالب بالشكل هذا ندخلها الفريز تجمد وعقب نطلعها وندهنها مره ثانيه
بتلاحظون الفراغات تنطمس بسهوله رجعيها للفريز تجمد ونبدا نجهز الحشوه
قبل
بعد
مقادير الحشوه
مثل ماهو واضح بالصوره
ظرف دريم ويب او اي ماركه تحبيها
ظرف كريم كارميل
علبتين قشطه من الصغيره او علبه كبيره تكفي
نص علبة الحليب المكثف المحلى نستله او غيره
وبسكوت فلوت جالكسي حسب الحاجه
صوص الكراميل من هيرشي
نخفق المقادير هذي زين بإستثناء البسكوت والصوص
لحد ماتتجانس وتثقل شوي
في هالوقت تكون وردات الجوري جمدت زين نطلعها ونبدا نرتب الطبقات
نكسر بسكوت فلوت جالكسي وممكن تحطي مالتيزر تكسرينهم انصاف وتحطينهم
و ممكن فليك اللي تحبي وممكن بعد كيك انتي ورغبتك
بعد كذا نحط توفي والافضل للحلى هذا النوعيه اللي بالصوره كراميل من هيرشي عشان يطلع
الحلى خطير بالطعم استخدموه ولا تستبدلونه بأي نوع ثاني
والصوره توضح لكم اعتذر عن رداءة الصور الفلاش هالمره قهرني يطلع بالصوره ومانتبه الا لما اصور واخلص
وللتغطيه نستخدم عجينة بسكوت الاوريو نطحن بسكوت اوريو ونعجنه بشوي حليب وممكن
قشطه انا حطيت عليه بسكون شاي مكسر عجنته معاه
وبنفس الطريقه نكمل باقي حبات الجوري ,,, لما نخلص نحطها بالفريز اقل شئ ساعتين
لازم تكون بااااارده ووقت الاكل طلعيها قبل بعشر دقايق تقريباً عشان الكاكاو يسيح شووووي
وتعرفون تاكلونها
اخليكم مع الصور الاخيره 
من الداخل 
سويت منها وحطيته بالقوالب هذي ووديته معي لـــ بيت خالتي 
دعواتكم هي جُل ما أرجوه منكم يا أحباب
حـــزن
[/BACKGROUND]
< اختصار بعض الناس هع 
