التصنيف: منقولات أدبية

أينعم رجل يبكي دام البكا ما فيه تحريم

للشاعر الكبير

بندر بن سرور العتيبي رحمة الله عليه
كان مسجونا في أحد السجون السعوديه فجاءت أم وابنتها لزيارة احد اقاربهن في السجن .. وعندما دخلتا (ريم وأمها ) سمع صوت الطفله وهي تلعب وأمها تناديها ياريم . . . . . . . فدمعت عيناه فرأته ( ريم ) وقالت لأمها : بكل براءة
يمّه الرجال يبكي !!

عندها ،، قال هذه القصيدة

أبكي وعيني تسهر الليل ياريـم
مدري بلاها الشوق والا الظليمه

ياريم دمع العين مدري على الريم
والا على قلبن تواكل صميمه

تقول لاطمني على نونها سيم
أبكي وعندي لأزرق الدمع قيمه

ويمكن يكون الدمع للعين تكريم
ويمكن يكون إلها عذاب وحريمه

والله لولا دمعتن كنها الديم
راحت ضلوعي من عذابي حطيمه

ودام البكا يا ريم ما فيه تحريم
يا عنك والله لأرخص الدمع شيمه

وابكي على حالي من الوجد وآهيم
لين الزمن يخلف عليّـه نسيمه

أبكي حياتن صافيه ما بها غيم
وين المحبة والقلوب السليمه؟

أبكي قهر وابكي من الغبن والضيم
وابكي من طعونن بقلبي قديمه

غدر الزمن خلّى بوجهي مراسيم
وما يذبح الرجال مثل الهزيمه

بعض المصايب شرها ياكل الهيم
وشلون بكبود الرجال الكريمه

وبعض المصايب يخلفن المفاهيم
تبغى على ما قيل صبر وعزيمه

مظلوم بالدنيا وغيري مظاليم
من عرض ناسن لبسوهم جريمه

ما عاد أبي من سود الأيام تعليم
عقب العذاب اللي كلاني جحيمه

ولو تصفي الدنيا علـيّ الملازيم
ما عاد أدور من وراها غنيمه

مما راقني وبشدة
أرق التحايا

يا بعد خضبـات الايـدي وقانيـة النقـوش
والله اني لك خطيـر لاطيـر بـدون ريـش

وا عنا روحي ويا حوش قلبي منـك حـوش
حوش ذودٍ حاشه (الجهر) وإلا (أبرق نفيش)

من هنوفٍ ما ملوا عينها أصحاب العـروش
حتى لو هم بدّلوا عرشهـا الفاخـر عريـش

جادلٍ لا مِدْح أبوهـا مـن السكـره تشـوش
لين يضرب عاشق البيض شيشٍ جنب شيش

كنْ بصدري فرخ طيرٍ من الصوت مخـروش
يوم يطرون اسمها لـوّ أنـا مانـي خريـش

أو بصدري كنْ جماهير شعبٍ بإسم (بـوش)
صوّتت وبصـوت واحـد تـردّد : فليعيـش

غادةٍ في الضلع الاحمر تروش الـروح روش
للخوافق من لهـب حبهـا الطاهـر وقيـش

أربعي من وجد حالي عليها اربـع وحـوش
الأوادم في ونَس وآنـا فـي قفـرٍ وحيـش

يا صباح الخير يا ضحكة الوجـه البشـوش
لوّ جرّة ضحكها فـي الحشـا جـرّة حنيـش

فتنةٍ من سوق (رنية) إلى سوق (الحبـوش)
ومن قصر (برزان شمّر) إلى قصر (الدويش)

حالفٍ لعيونها إني لأمـوش العظـم مـوش
موش ريح الصيف باقي شجـر وادٍ هشيـش

من بهاها صاح (عجران) عند (ابن مخشوش)
في فـؤاده ضمّـر الخيـل غاديـةٍ طشيـش

كلّ شيْ بالمختصر في هذيك البنـت خـوش
خوش زين وخوش عقل ولا في البنت طيش

لو جمعنا الزين زين أرض فارس والحبـوش
زينهم مع زينها ما كـلا يـا نـاس عيـش

كنّ فوق عيونها في هـدب سـود الرمـوش
من جيوش الغرب جيش تقدّم خلـف جيـش

يا سبيب عبيّةٍ إسمهـا الأصلـي (كـروش)
يا جديلٍ فوق الامتـان غـادي لـه وريـش

مثل ساري ليلةٍ بأبيـض الصبـح مغبـوش
وصف مجدولٍ بيدها مـع الغبشـات هيـش

والخدود أصفى من الزبد مـا فيهـا خـدوش
لو توارت ما لهـا إلا قمـر نصـفٍ دقيـش

كنّ عارم صدرها من احمر الثـوب بيطـوش
ليتنـي فوقـه واهدّيـه ملعـون الحريـش

في علوّ الصدر نهديـن غاذيهـا الرشـوش
ليت من صدره عليها وقـف وقفـة شويـش

يـا نهـودٍ غازلتهـا مُذَهَّـبـة الـقـروش
كلّ نهد بوقفته تقـل مـن سـادة (قُرَيـش)

وكنّ عاتر ردفها الضخم يوم اقفـت يهـوش
فيه من عتـرة قطـا مهـرةٍ ماهـي كديـش

ولّ ردفٍ يوم ناشـه حريـر الثـوب نـوش
فـزّ ثـمّ اهتـزّ كنّـه بنـاب الـداب نيـش

يا زعول اردوفها ليه ششت الثـوب شـوش
ما خبرنا ثوب عـذراً قبـل هاليـوم شيـش

ولا اخبر به ردف من ضيّق ثيابـه يكـوش
لا صفق وركٍ بـوركٍ سمعنـا لـه وشيـش

قلبي اللي من عراويه يـا نـاس محشـوش
من هوى غادة (غـداةُ غـدٍ) غيـداً وغيـش

ما ملوا عين الكحيلة من اهل الغوش غـوش
غير ابن قرمٍ إلى قام ما هـوب ابـن تيـش

يا طروشٍ وجّهت صوب نجـدٍ يـا طـروش
بأيش اجازيكم إلى جيتـوا المجمـول بإيـش

عن لساني بلّغوهـا تـرى القلـب مْعـروش
عرش حنّان الدبا في غصون ارضٍ نشيـش

كان نقبي يا جميلـه طلـع علـى فشـوش
عيشتي في تالي الوقت يا حلوه علـى ايـش

في هواك أصبحت كني مع الناس مغشـوش
إثر في غيبويـة الحـبّ غيبوبـة حشيـش

لعنبوك استغفري لي إلـى جـوك الطـروش
عن قصيـدٍ مـا ذكرتـه ولا تقوليـن ليـش

وضمينـي
وضمينـي
وضمينـي

وحـطـي بسمـة النحـلـة
علـى ثغر الضمأ المشتاقــ تسقينـي

شجـن إنتـي إذا جـيتـي
معازفــ حـب أضميتـي وأرويتـي
بنيتـي فوقــ صدري حـُب
وغسلتـي شفّتـي بالحُــب
وكتبتـي فوقــ رسم القلب
عبارة مخـتصرها حُـــب

أمير وذاب في طفلهـ يدللها
تذوب وترسم الضحكهـ ، وتجـي عندهـ يغازلها

أمـووووووووت برسمـة الرقـة وضحكاتكـ
أعـد بقلبي المُـغرم تعابير إبتساماتكـ

وجـنون الحـب لاجـيتـي
عطورهـ صدركـ الساخـن
ورمش عيونكـ الداكن
ومفاتن حـلوو محلوهـ

وانا بوصف شعوري يشرب شعوركـ
وشرقة مثل نور الشمس
لاجـيتـي بَلجّ نوركـ

صباحـكـ رشة عطوري
تذوووب وتشرب عطوركـ
ومشاويري وانا رايح
أدور إبتسامة حـلم ترضـي باقـي غروركـ

صباحـكـ قصة جـنـونـي
ونظرة شوق بعيونـي
ويدينـي تلمس يدينكـ
وجـنونـي لاحـضرتـي لـي
حـضر كلـي
وطار النوم من عينكـ
ورقصّتـي رقصة الأحـرار
ياطفلة هو قلبي

معآآآ قلبي كمالك طل
أبي أغسل جمالكـ كل

وبعيوني رسمتك خط
ورسمتك ياحياتي ظل

صباحكـ آآآهـ بردانهـ
وضحكة طفل غرقانهـ
صباحكم يامساء الخير
تعالي لمي الاوراق لأن النفس زهقانهـ

غيابكـ مّـــرررر
وحضوركـ يآآآآآآمتـى يمطر

أنـــآ مشتاق
على صدري تجي طفلة حياتي دوم
تتشطر وتتجـــمع وتتكسر
ويطير النوم

::
الشآآآعر :
محمد