السلام عليكم …
للإستـــــماع للمادة : كلك يمين ثم حفظ بإسم ..
قصيدهـ جديدهـ .. اتمنى ان تلامس قلوبكم وتحوز على رضاكم..
اتقبل الانتــقـآد بصدر رحب…..من اول قصيدهـ شاركت بها الى هذه المصافحه الاخيرهـ…
..
.
تفضلوها كما هي…
..
.
يا بحر الخليج إن جيتك مسير و حالي زفت ..
أعرفك تواسيني بحق الإسم و الخوه ..
ثمان سنين تعرفني و هاذي دمعتي ما شفت ..
لكن اليوم أبأسكبها تزيد بموجك القوه ..
أنا يا بحر وش قلت لك قبل أيام و ألا ضفت ..
غرام الحزن بالأرواح و أنت تشيلها مروه ..
أجاهد طعنة الغالي و أنا و الله له ما عفت ..
ولا عفت الجروح اللي دواها جمر من ضوه ..
غلاها يا بحر قصرن طلبت الحظ ليته لفت ..
يوصل للضلوع اللي رجاها الشوق من نوه ..
بكت عين الغياب اللي عطاها العذر لو له حفت ..
ركايب ودعت قلبه تشيل الحزن من جوه ..
وحيد أباري الدنيا و أعيش بدنيتي ما خفت ..
يا كود دموع مضنوني تزيد الحال في سوه ..
أناجيها تناجيني بطرف ساهرن ما رفت ..
أبادلها الكلام السر معنى الحب في طوه ..
ألا يا بحر لو شفته بعينه موجكم ما أنصفت ..
ولد خاله بكى صده و لد عمه رجى روه ..
ألا يا وجد حالي وجد في عيني يا طيفه طفت ..
دخلت مع العيون و جيت في قلبي على القوه ..
ألا يالجادل الغرنوق تراك بضامري أخلفت ..
تشق الصدر ثم تنهب سويدا القلب من جوه ..
ألا يا بحر لا جاتك تذكر دمعتي لا أذرفت ..
وأنا موكلك توكيلي و ما تبغيه به سوه ..
وقله في (بحر نجد العذيه) بالصدود أسرفت ..
و لكن خفف عتابك تراني ما أرتضي ذوه ..
وإلى منه سأل عني وقال البحر وينه شفت؟؟ ..
أمانه قول لدموعه (توه قد مشى توه) ..
..
وسلامتكم..
,
بقلمي…
,,
بحر نجد…
..
.
الشيــلة بصوت الشــــاعر ,, رشيد العتيبي (ولــد روق)
