التصنيف: شعر وشعراء

والله أني خابرن فالسالفة شي ِِ مخبا = قدم لا يصدر بيانه من مذيعات الروادي
قيل راعي مركبه من سرعته هت المطبا = وانقلب وعفوش حمله جاب فيهن العيادي
حالته مستعصيه ما عاد ينفع فيه طبا = ما يفيده لو نوى الجراح يزرعه له فوادي
السبب ما فيه حتى اليوم شخص ِِ به تنبا = بس انا اقول السبب ضيقته من فوز اتحادي
إلفع و جهه ونار الحقد في جوفه تشبا = ما قدر يفتح فمه و العذر صبره و الركادي
وعذره الثاني من الشرهات ما يبغى يعبا = مار ما باقي من الشرهات عندي له مدادي
العصا لو ما طردت بها جريو ِِ ما تربا = كان عندي يكثر نباحه و حسه في ازديادي
خابره عزمه ضعيف للشدايد ما يحبا = يحزم خشيمه لوقف في طريقه شي عادي
يحسبن الوقت مثل الماء في كاسه يصبا = مادرى من دنيته لازم يعيش الاضطهادي
قوة المعصير لشتد و عصف يمه وهبا = من مكانه يطرحه و يحوله عن الشدادي
يا قليل العرف لو بالشعر في شخصي تسبا = السما ما ضرها لو صاحت طيور الحنادي
إل طبايعك القديمة يالخويب ما تكبا = والغضا لو شب ضوه تاليه يرجع رمادي
و الله أني ما حسبت حساب لك و أقول تبا = بالقدم اطا على غاربك وتعرف الهجادي
كان في راسك سطر و لا تحسب فيه حبا = علمك ابده لا تغطي وجهك بلبس الحدادي
و الله أني خابرن في السالفة شي ِِ مخبا = و الحقيقة يا ولد فرقاك هي غاية مرادي