التصنيف: شعر وشعراء

يابـوي ليـه تبكـي كـل ماشفتـك وعيـنـك لــي=تخـاف أمـوت ياأبويـه وقبـل المـوت تبكيـنـي
كفى ياأبوي لا تبكي وأنا موجود معـك وحـي=أجل بعد الرحيل وشلـون فـي قبـري توطينـي
ياأبويه لو تموت الناس ماتسوى دموعك ذي=وأناياأبـوي ميـت قبـل أمـوت وإنـت محيينـي
قسم باالله ياأبويـه لأجـل عينـك شربـت الغـي=جرعت الهم والحرمان وبحر الويـل يسقينـي
تحملت السنين إللي طوتني فـي عذابـي طـي=وصار الجمـر بكفوفـي وتحـت أقـدام رجلينـي
ياأبويه ماعلى عمري حسافـه ولابقابـي شـي=ولـكـن بطـلـبـك يـاأبــوي تـكـفـى لا تخلـيـنـي
ياأبويـه ماأبـي غيـرك يغـسـل جثـتـي بالـمـي=وتكفـى قبـل لا تكفـن يابويـه فـك لـي عيـنـي
بـأمر الله يمكـن ألمحـك وأرحـل بعينـي ضـي=وودع وجهـك الطاهـر مــع دنـيـاى وسنيـنـي
وخل النـاس تحملنـي وترفـع راسـي ورجلـي=وتأخذنـي علـى قبـري وتكسـب أجرهـا فينـي
وإذا جيـت القبريابـوي نزلنـي شــوي شــوي=ووجـهـنـي للـبـيـت الله وقـبـلـت المصلـيـنـي
وإذا تقـدر أبـي صورتـك أمانـه حطهـا بـيـدي=لـعـل الله يشـفـع لــي إذا صـورتـك بـإيديـنـي
وحــط الطـيـن وإدفـنـي وعــز إلـلــي يـعــزي=فـي ثـلاث أيــام ياأبـويـه يجـونـك المعزيـنـي
ورابـع يـوم ياأبويـه تذكـر ضحكـتـي وعـنـي=تذكـر ويـش كنـت أقـول يــوم إنــك تناديـنـي
تذكـر يـوم كنـت أنـام فـي ظـل النخـل والفـي=تجي يمي تصب الماء على وجهي تصحينـي
تذكـر جـرت المـوال وصـوت فـي حبالـه كـي=تذكـر يـوم أغنيلـك قصيـدي وإنــت توحيـنـي
تذكـر ضحكتـك لا قلتلـك ياأبـوي عشقـي لــي=تـذكـر كــم قصـيـده خافـيـه مابيـنـك وبـيـنـي
تذكـر كـل شـئ كــان وأذكــر يــوم جابـرحـي=ولـكـن أسـألــك بـــاالله يـاأبـويـه لا تبكـيـنـي

ويا حـياة السـعـادة ويا طـعـم الـحـياه

الـزمـان الاغــبــر يــهــدد واتــحــداه

ولـو كـل من تـمـنـى بـيـحـصــل مـناه

ونعيش حنا سـوى رغم انف العصاه

نشوف الخلايق كل يمشي على اولاه

تـنـاديـني بـاسـمـي وانـا اقـول اللـــه

بـسـم ربـي خـالـقـي العالي في سماه

يمه يايمه يايمه يمه يايمه يايمه = من ثلاث حروف كلمة تحمل الشي الكثير
المحبه والموده مع حنان فيه رحمه = هي دفانا في شتانا وظلنا وقت الهجير
القصايد والسوالف ماتعبر وصف كلمه = والحروف الأبجدية تنتهي فيها وتحير
يا حلات الدنيا فيها كل شي يحلو طعمه = حتى مر الهم فينا بسمها حالي يصير
يوووه لاناديت يمه كن عطر الكون اشمه = مسك عنبر عود ورد ازهارها تنثرعبير
والله يالبيه منها من خفوقي تشل همه = تزرع البسمه على جالي ولو همي غدير
اوكسجيني شوف عيني قوت ماء للقلب دمه = قلبها من حبها لي كني معها به خشير
في ظلام الهم تشرق في شفاها شمس بسمه = تهدي فرحي من نظرها لا يجي لحظه ضرير
في غيابي تنتظرني عيونها طيفي تضمه = بس تدعي لي تسمي كنني الطفل الصغير
الله لايخلينا منها نعمة والله نعمه = من فقدها عزتي له كنه الطير الكسير
ياء وميم وهاء حروفٍ للملا صارت مهمه = قدرها الأديان عظمته غدا فرضٍ كبير
تسعة شهور ضناها رحمها ثقلٍ يزمه = موتها عند الولادة تلمحه والله الستير
كل منا في مهاده ممه اول نطق فمه = وريقنا الأول حليب الود ياغذانا الوفير
سبع حجاتٍ على اكتافك جزاء آمك ماتتمه = قالها مبعوث ربي المصطفى النبي البشير
وش بعدها الجنه تحت اقدامهن أمر ياعظمه = ربي يحفظهن ويرحمهن ويجزاهن بخير

الليـل لا ظلـم بهمـي طوانـي
يجهز علي الهـم لا روح الليـل

من وحدتي في وحشتي بس اعاني
الناس في راحة وانـا والبهاذيـل

عايش بهمي من مشاكل زمانـي
هاذي سنين البهذلـه والغرابيـل

الله يـبـدد مايعـكـر كيـانـي
ويزين أوضاع الليـال المقابيـل

ماني بضايع مير شيـن حدانـي
أشوف نجم سهيل ماكنه اسهيـل

قرب رحيلي كان ما حان أمانـي
أشوف عجلات المشاكل سرابيـل

ياسين لو تنسـى فأنـا مانسانـي
الطيب يبقـى والبقـى للمشاكيـل

فوحة صدربالسطر وشلون تكتب=ياكيف يكتب حرفها من يريده
يامن يعلمني له الاجريكتب=ليه القلم من ملمسه ضاق بيده
هوليه مدري بس بالصدرتشتب=نار(ن)سناهاصالي القلب حيده
هوليه مدري بس ينقال تصعب=اني اترجم فوحها…واستعيده
لاجل القلم لحروفهاصعب يكتب=وحكم المساءفارض على الحرف قيده

القـــ./ عبدالله الوقيدي /.ــيد