التصنيف: النكت و الألغاز

السلام عليكم ورحمه الله وبركاته

كيفكم ؟؟؟؟اخباركم ؟؟؟؟؟؟؟

وش مسووين

المهم اليوم جبت لكم صورتين لسحليتين متمردتين

فيه بنت اسمها جوجو < المهم لقيتها هاك اليوم تدور عند مزرعه

طلعت البنت خرمانه حليب والمهم وهي تشرب وانا ألقط لها صوره على كيفكم

بنت وش وله هالتعب كله اطلبي لبن اكتيفيا ابو ريال وارتاحي

طبعآبعدماشربت صارت قويه وعضلاي وهذي صورتها

وهذي الخبله ملكة الاحساس

لاقطين لها صوره واهي تكلم نفسها وتضحك < اللهم لكـ الحمد

هاذا عقوبه من يتكلم على التماسيح

وابشرك ملوكه تم القبض ع جميع القواتك سحليه سحليه وابشري بلجديد

الله لا يحرمنا من ردودكم

.
.
.
.
.
.
.
.
السلام عليكم …………

ابارك لجمهور الليفر بول بهذا الفوز المستحق

واليوم حر

وبكره ما عندي دوام

وامي تقول ارقد يا مال الصلاح
…………… …………… …………… …………… …………… …………… ….

الموهم

7
7

والله وانا اخوكم الصغير ,, لي مده أدرعم على الاسواق .. مرة في القهاوي ومرة في المملكه (( يسوي دعايه ))

ومن تالي أدمنت النت ,, صرت أجلس فيه أنا والربع دايم ,, وسحبنا على كل المدونة الا القهاوي والمملكه (( يسوي دعايه اشطبه يا مشرف ))

أتفرج ,, أتصفح ,, اضحك ,, ثم اطلع وقبل لا أطلع أسيّر على القهاوي والمملكه(( ياخوي انت للحين موجود؟ مابعد شاتك أحد؟ ))

المووووهم ,,,

داخل اليوم المدونة كالعاده ,, مالي طاري حتى أرد ,, فجأة وأنا في رحلة استجمام مع نفسي، لمحت إيقونه حزينه مكتوب عليها : إضافة مـوضـوع ,, ( كنها تقول : لله يا محسنين ))

وتذكرت وصية جدي قبل يموت يوم قال: يا مشاري يا ولدي ,, لا ترد أحد يطلبك ,, تكفى ياولدي لاتفشلني بين القبايل.

طقيت صدري وقلت للإيقونه : يلعن ام اللي يردك يا بنت الأجواد ,, نضيف موضوع ليش لا أهم شي لاتزعلين علينا يا الطخمه وذبيت عليها الرقم (( اعنبوا بليسه أي شيء مؤنث يرقمه ))

وعلى طاري الترقيم ,, أعرف واحد من الشباب ,, مدمن ترقيم ,, مدمن شيء اسمه اكتب رقمك وذبه ,,

لدرجة ان أبوهم مرة راجع البيت وهو شاري صندوق طماط .. وشاف أخونا طماطه في آخر الصندوق متينه ومليانه وحمراء ,, عجبته ذب عليها رقمه

إييييييييه اتركونا من خويي الحين وخلونا نرجع لسالفتنا الأصليه ,,

عندي موضوع والله انه يا جماعه فاقع مرارتي ,, مضيق صدري وفي نفس اللحظه لاحس مخي !!

أباطرحه قدام حضراتكم ,, وأنتم براحتكم, , إن بغيتوا اطرحوه أرضاَ أو ثبتوه جواَ أو دحدروا به على القهاوي والمملكه (( رجعت الدعايه انتبه له يا مشرف ))

موضوعنا في هذه الظهريه هو : العبايات ,,, عباية المرأة ,, وآآه يا أخواني من سالفة المرأة وعبايتها لأن موضوعها ذو شجووون والمثل يقول: الشجووون ملعوووون

تكفون لا ينط لي واحد منكم ويقول: وش عليك منهم؟ وش دخل أم اللي جاب مندوبك ؟

لأني وقتها راح أقول له : دخلني الباب وألحس كفر الدباب

ولا يجيني واحد ثاني مطفي النور وداعس ثم يخش فجأة في عيني وهو يشربك ويقول: موضوع مكرر ,,

لأني وقتها راح أظطر أسدد له طراقين . الأول صدقي والثاني مكرر

من جد يا جماعة الخير ,, هل اللي حاصل حالياَ في الأسواق والعروس والشوارع .. اسمه عبايات ؟ ويسمى ستر وحشيمه ؟

سؤال أطرحه لكم ياحضرات القضاه والساده المستشارين وأبي منكم إجابه ..

أنا كـ شاب أعزب أشعث أغبر ما قد شفت الا شغالتنا السرلانكيه .. فجأة تشطفني في الشارع بنت عليها عباية أضوق من ثوبي !!!!! وش موقفي ؟ أكيد بأعض الأرض وأتمتم قائلا : ألعن أبو الصيده يا شيخ

أنا كـ شاب أفكر كثيرا في الجنس الآخر ولا قد شفته .. أجي السوق وألقى ثلاث بنات مروا من جنبي عليهم اسم طرحه والأكمام كأنها كراسيدا باكستاني أنواع الزخارف ,, وش ترجون مني ؟ أكيد ابليس بيدق علي بيجر ويقول: دز وراهم يا مال السيل

أنا كـ مواطن متحمس و لي حق العيش في هذا الوجود المنتعش ,, أروح المستشفى أبي أعالج راسي من الصداع ,,

ثم تصادفني في ممر المستشفى فتاة عليها لثمه كأنها ناوية تسرق وعيونها كحل في كحل وش أسوي ؟

أكيد راح يزيد صداعي وبأرجع من المستشفى مصدع ألعن من قبل والبركه في عباية بنت الأجواد

لا والمشكله ,, تلقى البنت شينه وشيفه وكأن وجهها قوطي داعسه وايت بس بالعبايه قسم بالله ماتقوم معها حلا شيحه

شغالتنا مثلا .. اسمها ( راني ) .. وجهها كأنه مفك بيبسي .. وفي الليل أتجنب رؤيتها لأنها تذكرني بسوالف الجن الله يقاصرنا ويقاصرهم بالاحسان .. مرة لبست نقاب حق جدتي العجوز ,, ماعرفتها ..

قمت ألاحقها في الحوش وأقول: يا لبى قلبك يا المبرقع انت
يوم استانست وشالت البرقع وناظرتني بإبتسامتها الخاليه من الأسنان ..ضاعت علومي و قلت :

يالله روحي مطبخ جيبي مفاتيحي (( من زود الشين اللي فيها لخبطت بين غرفتي والمطبخ ))

يعني شفتوا كيف ان العبايات والبراقع قد إيش ملاعين خيـّـرررر ؟

لحظه لحظه ,, كأني أشوف احد الاعضاء راز سبابته اللي كنها عصا موكلي ,, تفضل اسأل يا عضو

والله براافو عليك ,, سؤالك جدا في محله .. نعم أحسنت من المسؤؤل (( صفقوا كلكم للعضو الداشر ))

دايم أسأل نفسي وانا من النوع اللي أحيانا في العصريه أجيب ترمس شاهي ومكسرات وأتقهوى انا ونفسي وندردش

بس الغريب ان نفسي من النوع الحياوي . تصدقون ماقد قالت لي ولا مرة: صب لي بياله

قبل فترة كنت جالس مع نفسي وحصل موقف رهيييب .. , سألتها : من المسؤؤل عن هالعبايات السامجه اللي انتشرت ؟ وين اخوانا اللي في الهيئة أو شااابين على مندوبنا حنا بس يا الشباب ؟ وينهم عن عبايات هالغزلان ؟

المشكله أن نفسي ما ترد لأنها مو لاقيه اجابه ..

سألت نفسي ثاني مرة : اعنبوا بليس هذولي ما وراهم أهل يقولون: هالعبايه عيييييييييييييب حراام !!

للمرة الثانيه تلتزم نفسي السكوت ولا ترد ,,

سألت نفسي ولثالث مرة : طيب وين الحمية ؟ وين أخوانهم الكبار عنهم ؟ أو بس جيدين في تحويم الحمام في السطوح؟

وللمرة الثالثه مارست نفسي السكوت وعطتني بالخامس !

سألتها لرابع مرة : طيب هالبنات وش هدفهم من عبايات الخصر واللثمه والدانتيل والزخارف؟ معقوله يبون لفت انتباهنا وفعلاَ راضين بالترقيم وتحرش هالمراهقين اللي أنا زعيمهم ؟

كالعاده لم ترد علي نفسي للمرة الرابعه وحقرتني !!!

عصبت انا ,, طنقرت ,, وأنا من النوع اللي إذا عصب على طول يحمق قلت :

مو معقوله يانفسي .. ياختي قولي شيء ,, بالله عليك مو حرام اللي نعيشه في الشوارع والاسواق والمحلات وعند الاشارات ,, ياهوووه تكلمي انطقي بالله مو ظلم مو حرام هالعبايات تلعن جدفنا كشباب طموح . ردي يابقرة

وفجأة .. وبدون مقدمات .. طار الحب والفستق وانكبت زمزمية الشاهي وقامت نفسي علي وسددت لي ذاك الكف وشالتني ومحطت بي ثم انفجرت تصارخ علي تقول: :

(( يااخي أزعجتني ياخي من يوم طبيت الثمانطعش الين الحين في من عمرك وانك مزعجني بهالاسئله

نعنبوا من جابك 5 سنين وانت شغال تجلدني بأسألتك لابوك لابو مخك لابو هالعبايات والبنات اللي تقول .

ياابن الذين آمنوا شغل مخك خلاص وقتك تغير .. هذا زمان البنت مو زمان الولد .. انت اللي تستحي وهي لا .. هي الجريئه وانت الحياوي ..
ياخي عاصر زمانك وخلك جنتلمان او ياخي انطق في بيتكم لااعاد تطلع ,, انثبر في غرفتك الله ياخذ شكلك وفكني .

لاعاد تتمشى بسيارتك ولا عاد تروح جامعتك ولاعاد تطب الاسواق وكل تبن واقضب ارضك ,, جعلك الماحي قل آمين تكفى يامراقب أشطب يوزره والله انه ابلشني))

مرت خمس دقائق وانا فاقد الوعي وخايف من نفسي وقعدت أفكر في كلامها وبالذات كلمة :

ذا زمان البنت مو زمان الولد .. انت اللي تستحي وهي لا .. هي الجريئه وانت الحياوي ..

قمت ,, عدلت الزمزمية ,, جمعت الحب والفستق والقريض اللي طاح ,, والتفت عليها وحبيت راسها وقلت :

سامحيني والله انك صادقه ابشري من اليوم ورايح ما هنا طلعه ووالله صدقتي في كل كلمه ,,

ضحكت وقالت لي : هههههههههه أعترف صح جلدتك ؟ صح أنا أخوف لما أكون عصبيه ؟

قلت: لا وفوق هذا والله انك حكيمه بعد .. الله لايحرمني منك ..

قالت : ولا يحرمني منك بعد أنت يا بعد روح روحي ..

قربت منها وقربت مني .. وصار مشهد رومنسي قطعه إياد مدني مهوب أنا m

السؤال : هل تتفقون مع ما قالته نفسي الحكيمه ؟ أم يا هل ترى بالغت وشطحت قليلا (( ماخذين بالكم من الفصحى ؟ ))

ولو الواحد منكم يا الحبايب شاف عباية أخته مخصره ومزخرفه كأنها هوندا حقت خال .. وش موقفه . يرضى ؟

وإذا – لا قدر الله – وحصل ما لايحمد عقباه وتحرش في البنت أي شاب مفتووون ,,

ليش اللوم والحكي كله على الشاب والبنت طالعه منها براءة ؟ ليش ؟ ليش؟ (( وجه واحد منهار في المحكمه ويقول: اغيثونا ))

اللي بيجاوب ..يجاوب ,, واللي مهوب يجاوب لا يجاوب ., والمثل يقول: اللي على راسه بطحاء ابن أمه يواسيها

………………. تشاااو اين جوادي

دااري ان الموضووع طوييل حبتين بس يلا اخذوه على شفتات حبه بالليل وحبه بالمسا وحبه بعد العشا خخخخخخخخ

هذا ااخر لطشاتي وحبيت انكم يكون لكم الاولوية في قراءته بس تحدذييير بلييييييز لا حد يلمس الشاشه لان الموضوع تووه حااار

عذب السجايا

السلام عليكم ورحمة الله وبركاته :.
أخبااركم ان شاااء الله طيبين ؟

طيب :. اللعبة تنص على أن يكون هناك مثل ناقص لازم يدخل أحد الأعضاء ويكمل بقية المثل :.
بعدها يحط هو مثل ونكمل على هالمنوال :.

مستعدين :.
همتكم ياشباب& بنااات :.

المثل يقول :.
أبو طبيع……… كملو المثل

كثرت الالقاب للشعب السعودي وخاصه للبنات
بس هذي في الصميم‏..
الا وهي بنات الا احد يدري
بالله بنات لا حد يدري هههه
‏..
سبحان الله أذاأحملو
لاحد يدري
‏..
وأذا ملكو
لاحديدري
‏.
وأذا انخطبو
لاحديدري
‏.
واذا سافرو
لاحديدري
‏.
واذا سقطو
لاحديدري
‏.
واذا نجحو
لاحديدري

بس انا ابغى ادري

ابغى ادري ليش ما يبغون احد يدري,,,هههه دخلت جو لا تلوموني هه
يمكن خايفين على انفسهم من العين
ينقالها اول وحده تحمل والا تملك
او يمكن احملت حمل غريب حير العلماء
والا يمكن زوجها من كوكب اخر
ولا نجحت بنسبة500%
وانتو تدرون ليش ماحد يبغى احد يدري
صراحه مسكين احد
ما حد يبغاه يدري
ه خلاص شكلي زودتها
ردود واعجاب وتقييم
ياحرااام عليكم ولا مر شفت النجوم عند موضوعي
(أمانه لاحد يدري اني نزلت الموضوعهههههههههههههه
هههههههههههههه
يالبى شعب لاحد يدري)