قهر

لعنبو قصة غرام كل ابوها كلمتين
***
ابتدينا عند( احبك) وانتهينا (باي)
***
انتهى الموضوع معك بكل سهوله تحكمين
***
وين احبك
***
وين اريدك
***
وين ساكن في حشاي
***
يمكن انك ماوفيتي يوم جيتي تعشقين
***
ويمكن انك تحسبيني بتبعك من دون راي
***
ويمكن اصلا ماعشقتي بس كنتي تلعبين
***
ويمكن انك ماوصلتي في هواك لمستواي
***
ويمكن اني خنت نفسي يوم اعيتك وفاي
***
علميني في الهوى ياجاهله وش تعرفين
***
تعرفين انك غديتي شي يجري في دماي
***
كنت نايم في العسل وارسم من الفرحه سنين
***
كنت اظنك قلب عاشق ماسكن وسطه سواي
***
علميني في العطاء والتضحية وش تفهمين
***
لعنبو حيك عشانك تركت اقرب اقرباي
***
كنت احطك في عيوني تسرحين وتمرحين
***
كنت اشيل هموم قلبك وارمي همومي وراي
***
كنت اطير من السعادة يوم اشوفك تضحكين
***
كنت ذايب في هواكمثل سكر وسط ماي
***
ماوعيت الا وانتي في خفوقي تطعنين
***
ماوعيت الا وسيفك بالحشاء رايح وجاي
***
ورده اي والله ورده بس عرفتي تجرحين
***
كل شي فيني جريح الا (فخامة كبرياي)
***
ماتاثرت بغيابك وش يعني دمعتين
***
بكره انسى صدقينيوارجع بكامل قواي
***
ادري حنا افترقنا بس ابفهم حاجتين
***
علميني وش كسبتي وعلميني وش خطاي؟
***
اصلا الموضوع كله ماتعدى كلمتين
***
التقينا عند(احبك) وانتهينا عند(باي)

الشاعر / حامد زيد