بسم الله الرحمن الرحيم
السلام عليكم ورحمة الله وبركاته
انا اليوم حبيت اطرح قصه اثرت في حياة همس صاحبتها
وهو صراحه اكثر شي يصير عندنا يالبدو
ان البنت ماتأخذ الا ولد عمها
بس هنا تعكس ان البنت ماتأخذ الا ولد عمتها
ماطول عليكم »»
فيه بنت اسمها همس ولد عمتها اسمه سعد .. ابو همس كان عنده عشاء في بيت واحد من جماعتهم المهم ان وهم يتعشون
قال ابو همس : ترا زوجة سعد عندي يقصد بنته همس
والكل اخذ على كلامه ويعرفون البنت ذي محجوزتن له
طبعا سعد وهمس حبوا بعض وعاشوا قصتهم انهم لبعض واستمروا 14سنه
ابووها حاجز بنته لولد اخته من هم اصغار
وكبرت همس وكل من شافها وحب يخطبها قالوا : لولد عمتها
وهكذا الحال ..
الناس ماعاد تسأل عن همس
لان كل ماتقدم لها احد قالوا لولد عمتها
يعني ليه احرج نفسي واروح وهم بيردوني ؟؟..
القهر ان بعد ها السنوات يتزوج وحده غيرها وعنده بنت الله يخليها له
بسبب زوجة اخوه اللي مخططتن تزوج اختها سعد
وتحققت خطتها وتزوجت اختها سعد
واللي يقهر بعد كانت صديقة همس قريبه منها ومايفارقوون بعض يوم
بعد ماتزوجت اختها سعد
احتقرتها وصارت ماتعبرها حتى ومتكبره عليها
ليييه كيذا المجتمع مرا يفرض علينا شي حنا مانستوعب كيف صار ؟؟!!!
تخيلوا إلى اللحين الناس تفكر
سعد ل همس وهمس ل سعد
سعد هو اللي تزوج وهمس ضاع عمرها وهي تنتظره وإلى اللحين ماتزوجت
حسبي الله ونعم الوكيل
لذلك انا انصح كل الاباء
ارجوكم بناتكم لا تحجزونهم لا ولد عمها ولا ولد عمتها ولا خالها ولا غيره
اللي كاتبه ربي بيصير
لاتضيع اعمار بناتكم وهي تنتظر شخص بالاخير مايكون من نصيبها
ماحد يحس بالالم اللي تمر به همس بسبب هذا الحجز شي يقهر …
وسلامتكم واتمنى تنال رضاكم
بقلمي // نبضي غلاه
