يابريد
اكتب ولا جاني خبر
الوداع اللي نواه ؟؟
لو حجة اخبرني السفر؟؟
مايهمني العشق
او حب السمر
لكن الحرف العشقته
بلهفة باقي وانتظر
وانتظر مكتوب ياتيني
من خيالاتي لقطر
وانتظرتك والدروب
الكان ماليها عطر
عجيب تتغير بليلة !!!
والا ناوي من زمان اعلى الهجر
مرة عاتبني زمان !
الاسم لاينذكر
كتله تامرني امر
ومرة كال انه يحب الناس كلها !
ولاشعورك ينتشر
قيد حروفك على مد البصر
قلت هم تامر امر
اخر بيوت العتابه
اليروح الله معاه
وان بقى حال البشر
عمي احنه مو بشر ؟
وبدربي ياما شفت من مثلك كثير
هوايه اشكال وصور
انت مو حرفي الوحيد
لكن اظهرت احترامي
احسبك تكتب شعر
وجيت راجع
كنت احبه
وبدرابينه امر
لنها مسدودة الابواب
ثاري مو قصة شعر
لامكان
ولاحياة
ولااثر
وشفت واحد
راجع باسمي القديم
واقرا نثره المعتبر
راجع باشواق لهفه
وكيف حبك اسر كليبه اسر
وغيرها جملة امور
تنذكر ماتنذكر ؟!
ادري بيك انت خيالي
رغم ذاك ارمي القناع
ماأحبك
حرف غالي
فجأة تنوي عالوداع
لارسالة
لاجواب
وين لهفات الاحباب ؟
احنه ماننسى امانه
وانته اشواقك سراب
احنه نبذل للاخوة
تذكرة ذهاب واياب
وانته ؟!!!
دعواتك جبتني
وبالمراسي تيهتني
وعذبتني ومرمرتني
وشايل امتاع وثياب
واكف اطرق عالبواب
غريب يطرق عالابواب
وانته مو اني القلت
منبعك طيب
تكسب الناس
ولهفتك يالحبيب
ثاري حجيك رمل ماله من اساس
ياهي طيبه؟
ياهي نخوة؟
ياشموخ؟
ووجع راس
انه شطبتك خلاص
راجع لحرفي امانه
مو خضوع والتماس
مزقت اوراقي كلها
وانثرتها بالهباب
ولاني بحالك
لان حبك سراب
انته حتى الكلمه وسفه
انته ماتسوى عتاب
بقلمي
