لاتظن القلب مغرم في هواكعافك الخاطر و قلبي و العيون
ذاك اول كنت في عيني ملاك
كنت احلى وكنت اغلى يافتون
كنت حبي وعمري وروحي فداك
كنت من دوني حياتك وش تكون
ارسمك لوحة جميلة من غلاك
واكتبك في دفتر اشعاري ابفنون
وارسل طيوفي عسى تضوي مساك
وابتسامة تبهج الصدر الحنون
تنظر الشوق فوسط عيني عساك
تحظن اشواقي ونظرات العيون
ذكريات حلوة ومرة معاك
وللمحبة في فؤادك كم لون
كيف تنسى وكيف تهجر من عطاك
من حنايا القلب ابيات ولحون
لاتحاول تعتذر لي عن خطاك
صعب اغفر ذنب علمني الشجون
شوف غيري منزلة من مستواك
لاني اكبر من هواجيس وظنون
وجيتك اليوم اتنازل عن هواك
ولو رخصتك عشر مرات يهون
