التصنيفات
خواطر وعذب الكلام

شفت العيد بعيونك

هلال العيــــــــــد

شفت العيد بعيونك ترف والحاجب إهلاله
وغفه عمري بحضن ثغرك حسدته وگلت هنياله
عسل دمعاته تتگاطر وبروحي الفرح سافر
وكبر حتى الوفه بجاله
_____________
نخلقنه من اجل نتلاگه حبيبين بگلب واحد
حرام الهجر يجعلنه كل منه بدرب شارد
نكثر لوم اليلومون تفارگ نومها العيون
بس اليربه ويه الروح صعب كلش يجي ابداله
شفت العيد بعيونك ترف والحاجب اهلاله
_______________

عبرنه فجوة الأشواك وعلگ ليل الوفه اشموعه
وبدينه نحسب الخطوات ونسينه الألم ودموعه
دنيانه ورد قداح بيها الحزن والأفراح
بس اليربه ويه الروح منهو إلي يجي ابداله
شفت العيد بعيونك ترف والحاجب اهلاله
_______________
أضمك للحزن أفراح وأوافيك وتوافيني
شعندي غيرك حبيب وأنت كمرة سنيني
تريض يا بعد روحي بسمتك بلسمجروحي
حبك رابي ويه الروح منهو إلي يجي ابداله
شفت العيد بعيونك ترف والحاجب اهلاله
______________
تحيات شاعر ألقصيده الشاعر المغترب

لقراءة ردود و اجابات الأعضاء على هذا الموضوع اضغط هنا
سبحان الله و بحمده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.