بسم الله الرحمن الرحيم
حياة الناس والدنيا تمـر وفيهـا مثـل حلـوم=وفيهـا ينطلـق فكـري واترجمهـا بقيفانـي
خطر في بالي سد مأرب بعد عزه غدا مهـدوم=وشتت كل من كانوا عرب من أصل قحطانـي
ومنهم هاجرت جرهم بعد سد انهـدم مـردوم=وشافوا بالسما طيرٍ على مكـه يـا وجدانـي
وفي وادي بلا زرعٍ لقوا هاجر تحـت لغيـوم=لا بيـت ولا ملجـأ وكـانـت والله تعـانـي
وهي أم لنبي وزوجـة خليـل الله أبولقـروم=تركها في بطـن وادي وعـود بيتـه الثانـي
ومن نسل النبي يظهر عرب وبلاد وكمن قـوم=وصارت العرب تنسـب لقحطانـي وعدنانـي
وكانوا يعبـدون الله ومافيهـم كفـر وهمـوم=إلى ان صار سيدهـم ابـو فكـره وعلمانـي
جلب لأصنام من رحلة تجارة في بلد مزحـوم=وقـال الواسطـه بينـي وبيـن الله الوثانـي
وبعدها ذلهم ربـي وزمـزم اندفـن مركـوم=وكان الكنز في وسطه مـن الامـوال ماكانـي
وصارت العرب تتبع أهل فـارس ولا الـروم=وكانوا يخدمون الـي عبـد نـاره ونصرانـي
تقوم حروب بالدنيا وكم طفـل غـدا محـروم=ابوه الي ذبح عمه ومن كسـرى غـدا جانـي
وشبت فتنـة الدنيـا وفيهـا النـدم معـدوم=وكسرى جالس بقصرة وقيصر ينشـد اغانـي
ومن قصة غزى مكه أبو فيل وخشم مشـروم=وعذب ربنا الحبشي وحمى بيته مـن العانـي
وفي عام الغزو الدنيا شهدت نور ومعاه علوم=تحقق وعده السامي بظهـور أحمـد بعربانـي
وربي أدب محمد وبين اهلـه غـدا محشـوم=وصاروا يستشيرونـه أهـل مكـه بإيمانـي
شهد له من بني هاشم وكل مكه وبني مخزوم=حليـمٍ صـادقٍ وافـي أميـن وكلـه آمانـي
وفي ليله وسط غاره سمع صوتٍ سلب لغزوم=يقول ((إقرأ)) وهو امي بعيد وكـان وحدانـي
رجع خايف وصل بيته ومن خوفه غدا محموم=يقول الأمنا غطي جسـد مـن خوفـه يعانـي
وربي ثبت قليبه ومـن وحيـه غـدا مدعـوم=وبدا يدعي لدين الله لقاصي النـاس والدانـي
وبعد ما كان صادقهم وقاضيهم غـدا مشئـوم=وقالوا شاعر وساحر ويمكن صابـه جنانـي
وفي ليله بغوا ذبحه يحسبون النبـي مهـزوم=وكلٍ أشهر سلاحـه جهـل منهـم وخزيانـي
ظهر من بينهم يمشي وماهمه عـدد لخصـوم=وهاجر وجهته طيبـه ودعـا ربـه بسلوانـي
وظهر نور الهدى منها وفتح مكه وارض الروم=وكسرى ولى من قصرة زبن للهند خسرانـي
وغدا كل البشر واحد ومامنهـم ابـد مظلـوم=عجم وأعراب مافـرق كتـاب الله والإيمانـي
ومر الوقت والدنيا بدا يرجـع عليهـا اللـوم=وبدا يرجع جهـل أول مـن فرقـه وعدوانـي
رجعنا نفتخر انا عـرب وانـا أهـل لسلـوم=وباقـي النـاس بالدنيـا تميزهـم بلألوانـي
عرب تبني تعصبهـا تغـذي طفلهـا بـه دوم=وصرنا مصري وسعودي وبحريني ولبنانـي
وصرنا نسمع اخبارٍ عن حروب بسبب لرخـوم=الا يـارب انصرنـا ووحـد قلـب أقـرانـي
وحدتنا بديـن الله تبـي ترجـع يجيهـا يـوم=فتحنا القدس وانوخذت وموعدنا بزمـن ثانـي
وسكن من حولنا شعبٍ فقير ومعـدمٍ محـروم=وحنـا ماتكلفنـا وتصدقنـا علـى اخـوانـي
وصرنا نطلب الشهوه نسينـا قلبنـا المحكـوم=بشرع الله وكتـاب الله ثبتنـي يـا سلطانـي
نسينا قبرنا ونـارٍ شجرهـا اسمـه الزقـوم=وثمرها وصفه ربي شبيـه لـراس شيطانـي
وجنه صاغها ربي بها حور وخمـر وكـروم=وفيها من نعيم الله عجز عن وصفـه لسانـي
بعد في مشكله تقهـر ووالله فعلهـا مذمـوم=وهي انا في بيـت الله بدينـا نسمـع ألحانـي
أغاني في مساجدنـا جلبهـا ساهـيٍ مكتـوم=جهاز بجيبـه يغنـي ويصـرخ فيـه فنانـي
الا يارب ثبتنـي علـى دينـك وشرعـك دوم=وباعد بيني وذنوبـي ولا تجعلنـي شهوانـي
عساني بدنيتي عابد و بالجنـه انـا مخـدوم=الا يـارب ارحمنـي إذا لفـونـي بأكفـانـي
أنا عبدك ولود عبدك وقلبي صاغـر ملطـوم=وقربني ياربي لـك وأرجـو ربـي غفرانـي
وساعدني على نفسي ويسر لي صلاة وصـوم=واختم دنيتي بذكرك وارحـم نسلـي وأبوانـي
وصلى الله على محمد رسول ابو ظهر مختـوم=ظهر في آخر الدنيـا يتيـم وكـان وحدانـي[/poem
مع تحيات hilo:000: :15:
