تكسر الخاطر شعر رائع

بسم الله الرحمن الرحيم

السلام عليكم ورحمة الله وبركاته

اتمنى ان ينال هذا النص على اعجابكم ولا نستغني عن ارائكم

تكسر الخاطر ونا خاطري كله كسور = صرت مع جرح اليالي علي ادهى وامر
اه يامرة دقايق وهي عندي عصور = كن لحظتها عليه من ايامي دهر
تايهٍ بي مركبي في دجى ليل البحور = لأ قدرت القى مواني ولأ عني خبر
كل ما يممت وجهه تودي للعبور = اعترض لي عاصف الموج يعلن بالخطر
لأانت معذورٍ بجرحي ولأ الوقت امعذور = لأغفت لك عين عيني مطاولها السهر
ما تقدر جرح قلبي ترى هذا غرور = ما تقدر دمعة العشق وتلد النظر
مد يمنى الوصل للي على هجرك صبور= جود في وصلك ونا اعطيك قلبي والعمر
ميسمك يسطى ونا امد لك عطروزهور = ميزتي طيب النوايا ومحصولي جمر
عن هجاد الجرح عطني مفاتيح السرور = واعرف انه في يديك المواصل والهجر
تايهٍ في مهمهة عشق والدرب معثور = والله انك باقياً بي الىيوم الحشر
عاشقٍ وافي لو الوقت من جرف بحدور = لكن أنه غير لرب ما يحني الظهر

خلف سالم العنزي