تبت يد الكاتب وراعي الجريده
1 لابو القصيد إن كان ماجاد هالحين @@@ ولابو القلم ون ماجرا باالقصيده
2 إن كان ماسطرت بختم النبين @@@ قصيدتـن ماجـاء بعدهـا قصيـده
3 عامين احاولي على بيت عامين @@@ من كثر حبه كيف اببـدا القصيـده
4 لوان قدره مايوفـى بملايـن @@@ مـن القصايـد والمعانـي الفريـده
5 ولو القصايد سيل من نجد لصين @@@ اصغر من اظفر خنصره ماتزيـده
6 هذا الحبيب الصادق الفذ الامين @@@ هذا الشفيع عند الولي فـي عبيـده
7 هذا اشجع اللي حولوا بالميادين @@@ وليا ركب بالخيل يرهـب طريـده
8 لاهابت الشجعان والصف صفين @@@ يقدم ابو القاسم ويكسـر ضديـده
9 ويومن ربي مكنه خير تمكين @@@ ماسـل سيـف إلا لروسـن عنيـده
10 كم غزوه انهاها بقتلا قليلين @@@ حقن الدماء ماغيـر شخصـه يجيـده
11 يومن حرب الكفـر تدمـر ملايـن @@@ لاوالله إلا كـل شـي ن تبيـده
12 اقروا لنا التاريخ شوفوا الدواوين@@@ من غيره اللي اقـام امـه تليـده
13 اعظم سياسي ساس ناسن سلاطين @@@ الين ساوى كل عبـدن بسيـده
14 اقام معنى العدل بخطبه وحرفين @@@ لوان فاطمه من سرق لاقطع ايـده
15 واعظم ديمقراطي اعرفته القوانين @@@ المعترض لا صاب رايه يشيـده
16 ولا انفرد بالراي وصحبه شويرين @@@ الامر شورى والقيـاده رشيـده
17 في مجتمع مابه قوي وضعيفين @@@ الفضـل لتقـوى ومـن يستزيـده
18 حليـم مايغضـب إلا بثنتيـن @@@لامـس حـد الله وظلمـن يحـيـده
19 دمث الخلق جمع مهابه على لين @@@ وصبر على قومه سنيـن مديـده
20 صبر اذى القربـى ويـا البعيديـن @@@ ولا دعـا بدعـوه إلا حميـده
21 جاه الملك قال اطبق الاخشبين @@@ عليهم مثل الزرع لا جـا حصيـده
22 قال من صلبهم يارب جيب لميامين @@@من ترخص الارواح لدينك شهيده
23 رحوم شفقن كاملـن بالمضاميـن @@@ رحمـه وراد الله فيهـا عبيـده
24 ادبه ربه وكمله خلقن ودين @@@ ومـن خلقـه القـرآن مابـه نقيـده
25 ماينطق إلا وحي منزل بتبين @@@ فصـل لنـا القـرآن وقـرب بعيـده
26 ومافيه شي ن جابه العلم هالحين @@@ إلا وسيد الخلـق جايـب مفيـده
27 رتب لنا حياتنا دنيا ودين @@@وعلمنـا كيـف نعيـش عيشـه سعيـده
28 بامي وابوي وكل من كان غاليـن @@@ وبعزوتـي وقبيلتـي والبديـده
29 نفديك ياشفيعينا با الموازين @@@ في يوم تذهل مرضعـه عـن وليـده
30 والناس نفسي نفس والكل وجلين @@@ في موقفن تشيب فيـه الوليـده
31 واعتذروا اهل العزم رسل ونبين @@@ والموقف اهواله طـوال وشديـده
32 قال الشفاعه لي وانا مكمل الدين @@@ وعطاه ربي كل شـي ن يريـده
33 قل للخبيث ابن النجوس الملاعين @@@ ذمك فلا ينقصه يرفـع رصيـده
34 زادوا هل النصره وزادواالمحبين @@@ وانته على رسمك تشـق وتعيـده
35 من سورة الكوثر وهي بس سطرين @@@ ردن من الله الكل راعي مكيده
36 ابتر نعم ابتر من قال بك شين @@@ ياصاحب الكوثر ومرسـي العقيـده
37 صلوا وصلوا ثم صلواو قولوا آمين @@@ تبت يد الكاتب وراعي الجريده
الشاعره العاتي المطيري
