احبه واشهق انفاسه بصدري واحتري تكرير

صباح الجوري

ليه الحزنّ يعصف على وجه الرحيل
وليه الدموع تزيد همّ المشتكي..
وليه الألم يرسم على صوته دليل
دام الوعد فِي لهفة اطراف الحكي..

كثير آمال ما تقوى سجون ولا بغّت تحرير
وكف الوقت مـَ أعتدنا تِلملمنا وتساعدنا ..

يا جرحي لا توقظني وأنا ماني معاك بـخير
و حكاية صـمتنا تَغني عن الحرف بتواجدنا ..

أبنفض شي ما قصر وأبنفض حيرتي وآطير
و جاوب لا سأل: مَدري ولا تكشف تنهدنا …

ترى صمت العيون أهوّن منْ أني أنزف التبرير
وترى حرف الذهب يبكي قبل يقرى شدايدنا …

يا جرحي خبّر طيوفه ترى من فارقتك تحير
وقول انها تسولفلي قليل ان قلت واجدنا..

فراغ ٍ يكتّم أنفاسي وصوت ٍ غامض وماغير
تقلبّ في دفاترنا وتبكي مِن قصايدنا ..

وابيك تقول له حاجه وأبتعذر عَن التأخير
قبل مـَ أحكي وش الحاجه ياجرحي ويش مبعدنا..

يا جرحي كبّر وسادة يـَأسك ولا يجي تفكير
وأنا اصلاً من تباعدنا وأنا مـَا أذكر تباعدنا ..

أحبه وأشهق انفاسه بـِصدري واحتري تكرير
وانومس فالهوى قلبٍ قبل يَرقد يعايدنا ..

وصوت ٍ لا همس بعضّه خذى كلك جمر وكثير
يلوّن شاشة ضلوعك خشوع ٍ مِن تشهدنا..

سمّاك البرد ياصيفٍ يزخرف حلمك التسوير
وصوت الناي كم يقتل كفر يجتاح موقدنا ..

قبل يا جرح تبكينا وقبل تصبح أمل في خير
رجيتك لا تموتنّا ولو ترفض تساعدنا..

وليه أنّدفن في غمرة الليل الطّويل
وأنا الأمل فيني يعاند لـِ البكي..
أبطيت أنا من زحمة أحزاني عليل
وعَلى صدى الأوهَآم قلبي مرتكي..

ودي لأرواحكم

لقراءة ردود و اجابات الأعضاء على هذا الموضوع اضغط هنا
سبحان الله و بحمده

اترك تعليقاً