((( العشق الأعمى )))
إيه أحبه ومن غلاه // لامشى صـرت أتبعه
إيه أحبه من فراقه // ماتت بدونه المشاعر
حال مابيني وبينه // مهر قـــالوا تدفعه
ارتحل عني شمال // وارتحلت عنه مهاجر
له ثلاث سنين غايب // تحتفل به المــــجمعه
الغضي قرر يجيــــنا // اجودي أهله أكابر
يوم سمعت قالوا مسيّر// قلت لازم اســــــمعه
إيه انا دست الكــرامة // واتخذت تفكير خاسر
مثل زورق في قدومي // ماتســوقه الإشرعه
والمضـــــــيّف من حلاته // راح يشــتّم المباخر
هالني مفرق توسط // شــــعر غصب ٍ يرفعه
اســـتجير الله جماله // يعبده مليــــون كافر
مال بعضه عاالردايف// ولف خـــــصله باصبعه
والبقية كالمــــصاعد // سارحه في كف ناصر
احتواني في جلوسه //حول صـــــدره يرضعه
يبتســـــــــم مره ومره// يرسل عيــونه تذاكر
يوم لمح لحظة دخولي// قام يـــــــــدور مقنعه
مثل ريم ٍ لاجــــــــــفل // واعتصر في جو ماطر
احتمى بذيك الستاير // وهل عمــــــري مدمعه
ابن عمي ليــــه تبعثر // ماحملــــــته بالمحاجر
للأسف خيبت ضني //ليه عـــــــــارك تخدعه
والله انك كنت داري// مادخلت من دون خاطر
المضــــيّف الف مرة // وجهـــــي وده يصفعه
من كثر مااحتارمني // تسكن شفاهه الأظافر
تف علي ّ من أجل نزوة // والا صـــوت ٍ اسمعه
ارتدي لاجله الخساسة // والتحف في بُرد طاهر
لعنبو حب ٍ يقـــــــودك // دون عقل تتـــــــبعه
والله لو اني عشـــــقته // ماطعنته بعين غادر
************
