آخر صدمه

شلون تنرسم البسمة وبداخلي آهـــــــــات
علمني شلون أنسى التــــــعب والأحــــــزان
شلون أنسى ألم تمركز وسط الذكريـــــات
شلون أضحك وقلبي من الوله حـــيل تعبان

***

النوم مجافيني والحياة ماتزيدني إلا صدمات
آخر صدمة تلقاها قلبي صدمته بحبيبه اللي خان
علمني يا جريحي شلون أطوي صفحة الماضيات
علمني شلون أنسى الجرح والعذاب اللي كــــان

***

تحملت أنا وقلبي جروح الحب والحين الخيانات
وش ذنبي لجل أبقى بدنيا قلبــــــي فيها يتهــــان
ودي أخفي الجرح والألم وأرسم بشفتي الإبتسامات
ودي أحب شخص بالفعل يحبني ويكون لي ولهــان

***

وإن دنياي شافت الفرح أكيد إنها من المعجــــزات
شلون دنيا ماتت بتعيش وتحــيا باقي الأزمـــــان
والحين باأحاول أخفف من ذكراه وأطوي اللي فات
عساني أنسى وأطلبها من اللي يعطي ولا هو بمنان