التصنيف: الصور والتصوير الفوتوغرافي

الزعل ، كسر بين نفوسنآ مآيطيب !
والرضآ : عين مآتزعل عليك ~ وتنآم

جبت لك ؛ قلب صآفي غير هذآ شَ جيب !
ودي آقول : قلبي ؟ يوم آخذته | حرآم ..

مآت [ عذري ] على لسان الفراق العطيب
وعآنقت / دمعة الفرقا ! كفوف ، الغرام ..

صار حالي | كئيب ، وصآر حالك كئيب !
ألزم [ الصمت ] لآتكثر علي .. الكلآم

من / يدينك ولآهي من ، ردآة النصيب
كل ~ طعنة لها .. بين الضلوع ! إحترام

ليتني ! قبل اعرفك ، ماعرفتك حبيب

ليتني بس . . اعرفك وجه والا سلام !!

,

[BACKGROUND="100 http://upload.te3p.com/uploader/531001/01327809377.gif"]

[BACKGROUND="90 #666666"]

صباح الخير / مساء النور
اسعد الله جميع اوقاتكم احبتي

[/BACKGROUND]

[BACKGROUND="90 #666666"]

اولا لكم فقده مو طبيعيه وخصوصا هالقسم
وثانيا اشكر كل من قيمني وكل من سال عني واعتذر لاني مقصره في حق البعض بس يعلم ربي مو ملاقيه وقت ابدا ادخل فيه واذا لقيت وقت وربي يكون حيلي مهدود لافيني افتح ايباد ولا اللابتوب
واهو اليوم جيت ومعاي احبابي نشوف احوالكم

واليوم فاضيه قلت خليني انزل صور اطفالي الي اتدرب عندهم وجزء بسيط من زوايا دار البرهان الي انا فيه حاليا
ومنها كمان اعرفكم على احباب قلبي الي يعلم ربي اني راح اتحطم نفسيا لوخلصت فترة التدريب عندهم قسم شايله هم هالحظه وما اتمنى تجي

وطبعا تفاجات من امكانيات الدار بسيط جدا جدا جدا لدرجة اني عرفت معلومه اذهلتني ممكن اي دار ينغلق في اي وقت اذا مافيه دخل طيب
كان نفسي اروح لدار الفوز لانه دار يشرح الخاطر بس مسافته بعيده جدا عن بيتي ودورت اقرب دار اتدرب فيه مالقيت غير هذا على انه مافيه اهتمام والمفروض يكون اجمل من كذا بكثير خوصا للاطفال بس اخيرا تاقلمت عليه وسرت احبه من حبي للاطفال الي ماسكتهم والمعلمه الي ماسكتني

وطبعا هذا الفصل الي انا ماسكته وقت حصة العب بالصلصال

وهاذولي هم طفل طفل واذكرو الله عليهم

هذا عمر
اتخيلو عموري من يوم دخلت الفصل الى الان ما قد سمعت صوته
وقت تقيمه لازم نقيم الفصل كله وهو يبقى في الاخير وما يقعد الا وهو والمعلمه الاساسيه لحالهم في الفصل عشان يسمعلها حتى الداده ما ينطق قدمها بس وقت العب يقوم يلعب معانا

هذا صالح صلوحي فديته يثلج الصدر وقت التقيم
كان عنده عيب مايجي للدار الا ومعه امه ويخليها معاه الين ينتهي الدوام لانه كان يخاف
مره مسكته انا تقريبا يوم الربوع الي طاف وقلت له مو حرام ياصالح تخلي ماما تجلس معاك لنهاية الدوام انت سرت بطل وكبيروسرت رجال والرجال ما يخلي ماما تداوم معه الروضه لاني وربي شفقانه عليها مرات يكون فيه نوم وتعب وهي جالسه تنتظره عشان ينصرف
جا يوم السبت في الصبح امه تقولي اشكرك من قلبي صالح في البيت مع الصباح قالي ماما عطيني يدك وعطته يدها وقال لها ابيك توعديني انك ما تجلسين معاي في الروضه انا سرت كبير وقالت له وعد
وجات تقولي هالكلام وهيا فرحانه وتضحك من موقف صالح

عبد الملك
ملوكي ربي يسعد قلبه يوزع ابتسامات على طول

فهد
فهودي هذا اول يوم داومت فيه احرجني احراج مو طبيعي قالي ابله مياير انتي حلوه وانا احبك
مره عصبني بس بعد ما مامتو عدلت المعلومه لنا عذرناه وقلنا غلطانين في حقه
مره جانا نايم في الفصل وكل شوي نخليه يروح يغسل وجهه وشوي نخليه يقوم يسوي رياضه ومافي فايده ونساله ليش ما نمت بدري يا فهودي وكتبنا له في النوته رساله لامه انو خلي فهد ينام بدري اليوم طول الوقت نايم
اهم وانا اقيمه الولد نايم نايم من قلبه وهو جالس قلت ابله الهام فهودي نايم ولا يدري وش اقول قالت له ابلته فهد قوم اوقف على الجدار وقام فهد على الجدار وما ادراكم عن قومته على الجدار الابله وقفته عشان يتنشط شوي وهو يحسب انه معاقب وقعد يبكي قسم دموعه على التي شيرت بالهبل ويحاول في ابلته تجلسه تقول لا خليك عشان تتنشط انا ما وقفتك عشان انت مشاغب عشان تتنشط بس ومو راضي يفهم وسار يجي عندي وهو يبكي ويقولي يا ابله ابغى اجلس انا ما سويت شي واحنا نفهمه نت مو معاقب بس عشان تسير نشيط ويروح النوم لكن لاحياة
اهم جاء بكره ام فهد كاتبه فالنوته والله هو نايم بدري بس عشانه اخذ دوا الكحه ودوا الكحه يخلي الواحد يبي ينام وربي حزنا عليه وقمنا نبوسه واهم شي قالت الام معادها معطياه دواء الكحه قبل الروضه

شروق
ربي يسعد قلبها ناعمه لابعد درجه وتثلج الصدر عند التقيم

راما
انعم من شروق بكثير

ريماس
رموسه هذي اذا ما رجعت بيتهم وانا وابله الهام كل وحده فينا ماخذه 12 بوسه منها على الاقل ما ترتاح
واهم شي ان الابله تحبها لوقالت لها الابله ما احبك بسم الله عليها يمكن يسير فيها شي
ونقولها ما نحبك وقت الوجبه لانها ما ترضى تاكل الوجبه واذا قلنا ما نحبك تاكلها بقوه بس وربي عليها اعذار تموت من الضحك
مره حلقي يوجعني ومره سني يوجعني ومره بطني يوجعني
مره قالت يا ابله ما ابغى اكمل الوجبه وغصبنا عليها لان امها تقول اغصبو عليها وانتو بكرامه مع التغصيب البنت رجعت الي اكلته
سار كل ما نغصبها تقول يا ابله فيني الطرشه وهي قالت فيني الطرشه متنا من الضحك عليها
ومره تقول يا ابله فيني طراشه واحنا نقول حتى لو فيكي طراشه طلعي الطراشه هنا في الصحن نخلي الداده سلمى تجي تمسحها مو مشكله قالت لا يا ابله بروح الحمام بطلع الاستفراغ سرنا نضحك ما عرفنا هي طرشه ولا طراشه ولا استفراغ وهذا كله بس عشان تتهرب من الوجبه ربي يسلم روحها

محمد
حمودي ميدو نتعامل معه بشكل خاص واسال الله له الشفاء عنده السكر
وربي احزن وقت الوجبه خصوصا لمى بعض الاطفال ياخذو قطعه دونات وهو يجي ياخذ ونقوله لا رجعها

اسماعيل
سُمعه ههههههه وربي مره موتني من الضحك كنت مسويه جديله على جنب وجديلتي لا اله الا الله طويله ومسك جديلتي وقال يابله شعرك حلو وفستانك حلو على اني ما كنت لابسه فستان بعدها بطلت ما اجدل شعري
وعليه طلعات رهيبه واحنا في نص الدرس يا ابله انا طفشت ولا يا ابله متى نروح نلعب وحيوي للغايه ربي يحفظه

تركي
ابو تريكه لااله الا اله عليه الفجر الخجول انتي قلتي اي طفل ياذيني ارسله لك يالله عليك بتركي

جنى
جنو ربي يحفظها تثلج الصدر عند التقيم

وهاذي السبوره تبع فصلنا وهذا جدول القاعده النورانيه

هنا وقت الحلقه تبع القران
وقبل الحلقه لازم نقول ياحفظ القران بوركن من انسان من عند الرحمن حلاك بالايمان

هنا دولاب خاص بالالعاب الادراكيه والتلاوين ومدري شنو

هذي العلاقات الخاصه بشنط الاطفال اول ما يدخلو للصف

وهذا كتاب القاعده النورانيه وما ادراك ما القاعده النورانيه اقسم بالله صعبه للغايه
وتعليمها لازم يكون عن طريق شريط القاعده النورانيه ومن فم المعلمه

الحرف الي عليه نجمه معناتو الطفل اتقنه واذا ما عليه نجمه معناتو ما اتقنه

هنا وقت حلقة القاعده النورانيه
وقبل ما نبداها لازم نقول تك تك يا هجائي تك تك علمتنا تك تك كتاب الله نقراه بانفسنا

وهذا الجدول طبعا يتغير اسبوعيا

وهاذي نوتت التقيمات تبع الاطفال ولكل طفل نوتته

هنا وقت الوجبه
طبعا لازم قبل ما يروحو للوجبه نخليهم يقولو
فطوري فطوري لجسمي ضروري
ودوما عليا غسلو يديا
امدو يميني الى ما يليني
مضغتو طعامي بكل اهتمامي
واذا شبعتو لربي حمدتو
ولازم يقولوا ادب الوجبه وبعض الاحاديث

هاذي الالعاب الي في الدار كلها

هاذي كتبهم

هذا الفصل الي قدام فصلي

وهذا فصلي

هذا خاص بدوام المساء

وهاذي الجدران الي يوميا اقراها وما مليت وانا اقراها

وهذا المسرح تبعهم الخاص بالحفلات

احب هالابيات حيلات

وهذا المقصف تبعهم

وهاذي الساحه

وهذا الدرج الي يوميا طالعه ونازله منه الين نزل وزني وانا مو ناقصه

هذا الفصل الي قدام فصلي

الله يستر من هالجمعه

وهنا الاطفال يتدربو على الحفل الختامي
تخيلو ثلاث شهر راح يقعدو يدربو عليها وبشكل يومي وهيا انشوده وحده عشان لا ينسوها
اقسم بالله تدريبهم قمت العذاب ناس ترسخ الحركات في راسهم وناس لا

وهنا وقت الصرفه

وهاذي مكتبتنا الي نحظر منها دروس الاطفال

وبس هذا دارنا المتواضع ويارب يعجبكم هم واطفالي
وثقو احبابي ما راح انساكم ابد وبعد كل فتره بطل عليكم بموضوع
وهالايام راح اكون متواجده بشكل بسيط
حبي الخالص يغلفه احترامي لكم

[/BACKGROUND]

[BACKGROUND="90 #666666"]

لكم ودي وردي وحبي

[/BACKGROUND][/BACKGROUND]