التصنيف: الحلويات

اليوم بحط لكم وصفات بخبز الصاج الجاهز باقي الوصفات بالتوست والصمون الجاهز …

وصفات باستخدام خبز الصاج الجاهز :

1- سويسرول خبز الصاج :

ملاحظه : تقدرين تستخدمين حشوة الدجاج او الفلافل مع البطاط وتحطين معها طحينيه او اي حشوة انتي تحبينها ( جبن ونعناع -باذنجان وبطاط – دجاج ..الخ )

الطريقه :
– – تفردين خبزة الصاج وتحطين شويه من الحشوة على طرف الخبزة بالطول
– لفي الخبزة وانتبهي وانتي تلفينها خليها كانها رول مشدودة شويه عشان ماتطلع الحشوة منها .
– قطعي الخبزة على شكل حلقات متوسطه السمك بسكينه حاده
– رتبي الحلقات بصينيه التقديم بشكل مرتب وزيني الطبق بالبقدونس والطماط وحلقات الخيار
وبالعافيه ..

2- منتوووووو العجازين بخبز الصاج :

الحشووو : حشو اللحم المفروم – اوحشو الدجاج المسحب لو تحبين
اصلصه : بصله مفرومه – فلفل اخضر مقطه قطع صغيرة – نصف حبه ثوم مهروسه – مكعبين ماجي – نصف علبه صلصه طماط
الطريقه :
– قطعي خبز الصاج لشرائح ( حوالي 4 شرائح بالعرض كل شريحه بتكون كافيه لعمل لفتين )
– قسمي كل شريحه بالنصف واحشيها باللحم المفروم على شكل رول .
– صفي الرولات في طبق بايركس .
– – تجهيز الصلصه : حمري البصله في قدر واضيفي لها الفلفل الاخضر ومقدار يعادل 3 اكواب ماء وضيفي باقي المقادير لين يثخن قوامها ..
– اسكبي الصلصه بالتدريج على رولات الخبز وبعدين غطي الطبق بالقصدير وودخليه الفرن تقريبا نصف ساعه او لين تحسين انه الخبز تشرب الصلصه وبداا ينشف شووووي …

طريقه ثانيه باستخدام خبز الصاج :

انا جربت احشي الخبز بالجبن الابيض والبقدونس بدل اللحم المفروم وحطيت عليها مقدار من الصلصه الي فوق وغطيتهااا بطبقه من صلصه البشاميل وجبنه الموزاريلا
طلعت جناااااااااااااااااااااااان كنهااا مكرونه كانيلوني

سمبوسه الخبز العربي :

الحشوة المفضله : بطاط مهروس مع خضرة الشبنت او الشبت ورشه ملح او اي حشوة تحبينها مومشكله

تفتحين الخبزة بالنصف … يعني تصير عندك دائرتين …
قطعي الخبزة لثلاث مستطيلات … حطي الحشووة على الجهه النااعمه من الشريحه ولفيها على شكل مثلث … بيكون الجزء الخشن او الداخلي من الخبزة هو الظاهر .. امسحي كل قطعه بالزيت وعلى جميع جوانبهاااااا وحطيها في صينيه الفرن

ولعي الفرن ودخلي الصينيه لين تحمر القطع .. وشوفيها كيف ألذ وبترقمش اطعم من السمبوسه العاديه

عرايس :

لحم مفروم – بصله مفرومه – ثلاث ملاعق بقدونس مفروم – فلفل اسود – سماق – بهارات – حبه ونص ثوم مهرووووس – طماطتين مقطعين قطع صغيرة
ميونيز

الطريقه

لعمل الحشوة :
حمري البصل وبعدين شيلي القدر عن النار
حطي اللحم المفرووم واخلطيه زين مع البصل وبعدين ضيفي باقي المقادير

– جيبي الخبز العربي واقطعيه بالنصف وامسحي الوجه الداخلي بمقدار قليل من المايونيز واحشي كل قطعه بمقدار ملعقتين من الحشوة .
– جيبي الشوايه العاديه واشوي القطع لين يتحمر الخبز .. لما تخلصين المقدار دخليه الفرن لمده عشر دقايق وقدميه مع الفتوش او التبوله

– المسخنه باستخدام الخبز العربي :
هذه تشبه طريقه عمل السمبوسه بس الشكل هو الي مختلف ومثل باقي الوصفات موشرط تلتزمين بحشوة معينه
تقدرين تستخدمين اي حشوة تحبينها مو شرط الدجاج

المقادير :
– كيس خبز عربي الخفيف
– دجاج مسحب بدون عظم ( اغلى الدجاجه بالمويه وبعدها شيلي الجلد والعظم منها )
– رشه فلفل اسود
-نص ملعقه صغيره دارسين او قرفه
– مكعب ماجي
– ملح
– ملعقه بقدونس مفروم
-ملعقتين صلصه طماط
– ملعقه صغيره هيل ناعم
-ملح حسب الرغبه
– عصير ليمونه
– شرائح بصل

للحشو :
– بقدونس مفروم+شرائح بصل مخلوط معها شويه سماق ( او سماك)

الطريقه :

– شوحي شرائح البصل بالزيت وضيفي له الدجاج والبهارات والصلصه وعصير الليمون
واتركيه يطبخ على النار لمده عشر دقايق
– ضيفي ملعقه البقدونس للدجاج وحركي المقدار وارفعي القدر من على النار
– افتحي الخبزة من الاطراف بحيث يصير عندك خبزتين او طبقتين
– خلى السطح العلوي للخبزة هو السطح الناعم بحيث لما تلفين الخبزة يكون السطح الخارجي هو السطح الخشن واحشي كل طبقه بالدجاج وحطي معه شويه من الحشوه ولفي الخبزة على شكل رول
– قطعي الرول الى ثلاث قطع متساويه وبشكل مايل
– صفي القطع بصينيه مدهونه بالزيت وامسحي سطح كل قطعه بالزيت باستخدام الفرشاه واستمري لين تخلصين كل المقدار
– دخلي الصينيه الفرن ( لازم يكون حار ومولعه الشعله العلويه ) وخليكي منتبه عشان ما تتحمر القطع كثير
– وبعدها اقلبي كل قطعه على الوجه الثاني واتركيها تتحمر
– قدميها بطبق التقديم ورشي فوقها شويه بقدونس وبالعافيه يارب

وصفات باستخدام التوست

سويسرول الدجاج :

هذه الوصفه اخذتها من احد الاخوات جزاها الله الخير فعلاا اكله لذيذه وشكلها حلووو وغريب خاصه لو تفننتي بتزينهااا بقطع الطماط الصغيرة والبقدونس المفرروم

اولا نجهز حشوة الدجاج
المقادير:
دجاجه مسلوقه منزوع عنها الجلد والعظاام
بصلة+ فصين ثوم (مفرومين)
جزرة مبشورة – ذرة – فلفل اخضر مقطع لقطع صغيرة – ملعقتين بقدونس مفرووم – ملعقه كزبرة ناعمة – رشه فلفل اسود – عصير نص ليمونه – ملح او مكعب ونص ماجي

الطريقة:

نحمس البصل والثوم مع شوي زيت ثم نضيف الدجاج مع نص كوب ماء عشان يتفتت اللحم زيادة وبعدها نضيف باقي المقادير ونخفف على النار لين ينشف المااي .

الفطيرة:
المقادير
3 بيضات
علبة قشطة( التاج او نستلة او بوك…)
علبة وسط جبنة كرافت مبشورة
2 ملعقة صغيرة بيكنج بودر
3 حبات توست منزوعة الاطراف

الطريقه :
نضع في الخلاط الكهربائي:
البيض, القشطة, الجبنة,
بعد ماتمتزج نضيف التوست والبيكنج بودر
نصب الخليط في صينية مدهونةبالزبدة(كثري منها علشان ماتلصق)
ندخلها الفرن ونتركها حتى تستوي وتراها ماتاخذ وقت..نعرف نضجها اذا تماسكت ونشفت..وبعدين نحمرها من فوق..
نفرد قطعة قصدير اكبر من مقاس الصينية( على فكرة هذا المقدار يكفي صينية كبيرة بطول35 سم وعرض 20 )
ندخل الملاس من جوانب الصينية ونحاول نفصل الفطيرة عن الصينية علشان نضمن نزولها بدون تلف

نقلب الفطيرة على القصدير وندهنها بسرعة بملعقة كبيرة مايونيز ثم نفرد الحشوة فوقها بالتساوي
نلف الفطيرة بحشوتها بطريقة السويسرول ونحكم غلق الاطراف بالشد على القصدير ونرجعها للفرن الساخن بدون تشغيل علشان تتماسك من الحرارة
عند التقديم نقطعها حلقات وترص بطريقة جميلة في الصحن مع تزينها بقطع الطماط والبقدونس ورش شويه من جبن كرفت المبشوور او الزعتر

ملاحظه : تقدرين تستخدمين بدل حشوة الدجاااج جبن البقرات الثلاث مع البقدونس وقطع الطماط وبقدونس مفروم وتخلطيهم مع شويه زيت زيتووون

وبالعاااافيه انشااااء الله

صينيه سندويش الدجاج بالفرن :24: :

المقادير :
خبز توست – حليب سائل – 2 بيض
الحشوة :
دجاج او لحم مفروم او مرتديلا وجبن الموزاريلا او اي حشوة ثانيه حسب الرغبه وترشين فوقها جبن كرافت مبشور عشان تتماسك

الطريقة :
-اخفقي البيضه مع الحليب السائل
– يصف خبز التوست في صينيه مدهونه بالزيت ( حتى الجوانب ) ثم يصب عليها البيض المخفوق مع الحليب حتى يتشرب
– حطي الحشوة ورشي عليهاا الجبن المبشور ..
– غطى الحشوة بطبقه خبز التوست وصبي عليها البيض والحليب السائل .
– استمري لين يخلص المقدار عندك ورشي على الوجه شويه جبن موزاريلا بعد ماتحطين البيض المخفوق مع الحليب السائل وبعدين دخلي الصينيه الفرن حتى تحمر ثم تقطع وتقدم وهي ساخنه وبالعاااااااافيه انشاااء الله

ملاحظه : لو كان مقدار البيض مع الحليب المخفوق غير كافي تقدرين تضاعفين المقدار .

وصفات باستخدام الصمون او الصامولي :

1- قارلك برد ( خبز بالثوم ) نفس الي في بيتزاا هت :

المقادير :
تحتاجين لخبز فرنسي طازج (اوالصموا المدور المستخدم لعمل سندويشات الهمبورجر )
4 ملاعق مايونيز
فص ثوم مدقوق مضاف اليه ملعقه ماءء
جبن موزاريلا ( المستخدم في عمل البيتزا )
بقدونس للتزين ورشه زعتر

الطريقة :
– قطعي الخبز الفرنسي بسكينه حاده بطريقه مائله ويكون حجم الشريحه وسط موخفيفه ولا سميكه كثير وان كنتي بستخدمين الصمون المدور تفتحين الخبزة بالنص بالسكين

– اخلطي الثوم والمايونيز وادهني سطح كل خبزة بالمايونيز و لا تكثرين المايونيز على الخبزة
– سخني الفرن
– رشي الجبنه على سطح كل قطعه خبز ( غطي الخبزة بالجبن )
– دخلي الخبز بالفرن لين يذوب الجبن ويشقر لونه
– رشي على سطح كل خبزة شويه زعتر او بقدونس على حسب الرغبه وبالهنا والعافيه :24:

2- بيتزا العزوبيه السهله

– كيس من الخبز المستخدم لعمل سندويشات البيرجر
– صلصه العلالي للبيتزا
– فلفل اخضر مقطع قطع صغيره
– ملعقتين مايونيز
-جبن موزاريلا او جبن كرفت تشدر مبشور
– زيتون مقطع
– حبة طماط مقطعه قطع صغيره
– مشروم حسب الرغبه
– رشه زعتر

الطريقه :

– افتحي كل خبزة بالنص وادهني سطحها بشويه مايونيز ( لاتكثرين )
– ادهني الخبزة بصلصه العلالي و حطي باقي المقادير على حسب رغبتك
– رشي جبنه الموزاريلا على سطح كل خبزة
– صفي قطع الخبز بصينيه كبيره ودخليها الفرن لين يذوب الجبن
– رشي الزعتر على كل قطعه وقدميها لاسرتك وبالعااافيه

3- طريقه ثانيه لعمل البيتزااا / سندويتش البيتزااا الخفيف :

– تستخدمين الخبز العربي الخفيف لعمل البيتزاا ( تمسحين فوق كل خبزة بشويه ميونيز وتحطين الحشوة وترشين فوقها جبن الموزاريلا وتدخلينها الفرن … طعمهااا يجنن تقدرين تقدمينها مثل ماهي او تلفينهاا وتصير كنهااا سندويشه بيتزااااا

4- كرات الجبن بالزعتر المقليه :

المقادير :
كيس صمون مدور حباته صغيره الي مايكون فوقها سمسم – بيضه مخفوقه – جبن كرفت سائل او اي نوع اخر المهم يكون سائل – زعتر

الطريقه :

– تشقين حبه الصمونه بطرف السكين بس ماتفتحين الصمونه للاخر وتحطين ملعقه متوسطه من الجبن السائل
– غمسين الصمونه بالبيض وبعدين غمسيها بالزعتر ( زعتر خالي من غير زيت ) غطيها من كل جاانب واستمري لين تخلصين المقدار كله .
– اقلي قطع الصمون بالزيت الساخن مجرد تشويح خفيف
وبالنهايه بتصير عندك كور جبن بالزعتررر .

5- خليه النحل السريعه :

والله مافي فرق بينهااااااااااااا وبين الطريقه التقليديه الا انهااااااا ماتعب مثل ذيك وعجينتهاااا مضمونه ميه ميه
ماتفشلك لو ايشششششششش :24:

المقادير :
كيس صمون حباته مدورة صغيرة ( الي تجي باشكال مومنتظمه وطعمها مثل خبز الضفيرة )
بيضه – جبن سائل او جبن كيري مهروس – قطر او شيرة – فستق ناعم

الطريقه :

تاخذين حبه الصمون وتشقين طرف واحد بس مو للاخير وتحشينها بالجبنه لين تخلصين المقدار كله .
اقلي قطع الصمون المحشيه بالجنبه بالزيت وبعدين صفيهاا بصينيه التقديم مثل خليه النحل وصبي فوقها الشيره ورشي على كل حبه الفستق الناعم وبس

6- قالب الصمون بالقشششششدة :

المقادير :
– كيس صمون على شكل ضفيرة – علبه قشدة – ثلاث اربااع قالب زبدة سائحه – شويه قرفه ناعمه مقدار ملقعه – نص كوب كريمه سائله – نص كوب فستق ناعم – شيره او قطر على حسب الرغبه

الطريقه :
– شيلي الطبقه الغامقه من الصمون واتركيها على جنب
– نتفي الصمون الى شرائح خفيفه واخلطيها بالزبدة
– افردي ثلث المقدار في صينيه بايركس مدوره او مستطيله .
-اخلطي القشدة مع الكريماا السائله وحطي نص المقدار على مقدار الصمون الي فردتيه بالصينيه وبعدين حطي طبقه ثانيه من الصمون فوقه القشده والكريماا وغطيهم بالثلث الاخير من مقدار الصمون ورشي على السطح القرفه ودخليها الفرن لين تتحمر وبعدين رشي عليها الشيرة وزينييها بالفستق وقدميهااااا وبالعاااااااااااافيه يارب