التصنيف: شعر وشعراء

التصنيفات
شعر وشعراء

بصمة الابهام – من الشعر

بصمة الابهام
جنت جنوني وانتهت بي جنونك

واللــي مجـنـني أنا كيف أجننك

اذا طيور الـــورق غنّت لحونك

والله لأجيب العزفه اللي تلحنك

هـلي علي وامطري لي مزونك

لاتبتعد ياشــوق مني وانا منك

الله واكبر كيف تضحك سنونك

هـــذي وحدها ياحبيبي تفـنـنك

بسمة ثغر واشواق فيها شجونك

حزن وفرح مدري انا كيف الونك

جسمك ربيع العمر يظهر ليونك

خفي المشي لاصار قلبي يطمنك

ودي احــاكــي بالمحبه فـــنونك

ليت اللقى ياشوق يوصل اماكنك

لك بصمة الابهام فيها ظــنونك

واللي عـلى طيف الـمحبه يثمنك

ليتك تشوف اللي حياته بدونك

على جديد الشعر اجلس ادونك

ارسم قلوب وسهمها من عيونك

اعجز انا مدري انا كيف اكونك

خلاص حدي في كلامي جفونك

أرجوك تقبل عزفتي لو ادندنك

شعر/الاسد الجريح ماجد الراشد الهيري

لقراءة ردود و اجابات الأعضاء على هذا الموضوع اضغط هنا
سبحان الله و بحمده

التصنيفات
شعر وشعراء

جيتك أبارك لك

عندما يسمو الحب بقلب شخص ما ، فلا تستغرب منه أن يأتي مباركاً خصمه ، وعلى رغم الألم يقول :-

مبروك ياقلب ( ن ) حظى بإهتمامه … والله على حمل الأمانة يعينك
دامك عرفت اشلون تكسب غرامه … يالله عساها بالسعادة سنينك
جيتك أبارك لك ، وعيني يتامى … مات ابنظرها ، ثم حيا وسط عينك
جيتك أبارك لك ، ويدي’ حمامه … حلت على رغم العنا ، في يمينك
يهناك طرف( ن ) به توسد حسامه .. ويهناك قلبه ، لاغدى لك ضنينك
وعطر( ن ) تحدى به جميع الخزامى .. لاصابتك ريحه ، تبد’ى جبينك
وشعر( ن ) توشح بالليالي ظلامه .. يرقى على بدر( ن ) ، بنوره يزينك
ويهناك ود’ه والسنع في كلامه .. ويهناك كل اللي تشوفه بعينك
ويا قلبي دامه حبته ، له تسامى .. . ولابد منك ، تفرح لذابحينك
جيتك بذلي’ ، بس كلي’ كرامه … أرجاك تحفظها ، عسى لا يهينك
صحيح أغالب دمعتي ، بإبتسامة .. لكن لي قلب( ن ) حشا مايشينك
وإن كان ظنك به بقايا ندامه … تطغاه يتبع في ذرى حاسدينك
أسأل محبك ، تلقى رد’ه ( وياما ) .. ماهي بأول طعنة( ن ) من ضنينك
لازاد به وقته شقا ، زاد هامه … حر'( ن ) على رغم العنا ما يخينك
آمنت باللي سن’ يوم القيامه … دام القدر ، زين برسمه جبينك
تستاهل الفرحه ، وصافي غرامه .. وتزاحم ابحضنك ، بناتك بنينك
والحين ابرحل بس خذها علامه … روحي ، مدام أرواحنا في ايدينك
وآخر كلامي ، بختمه في كلامه .. ( ماكل’ من ود’ك تزينه ، يزينك )

لقراءة ردود و اجابات الأعضاء على هذا الموضوع اضغط هنا
سبحان الله و بحمده

التصنيفات
شعر وشعراء

اخر قصيدي بالصور ( قـصـة طـفـل تحـزن قـلـوب الـرجاجـيـل ) من احد الصحف

اخواني اخواتي
حفظهم الله
بعد التحية والاحترام
اضع بين ايديكم قصيدة تحكي قصة طفل من احد الصحف اليومية قصة جعلت قلبي ينبض بالحزن وعيني تذرف دمعها طفل لم يتجاوز عمره الثلاث سنوات سلب من قلبه الفرح ادخل المستشفى مخلوع الأظافر تلون جلد جسده الرقيق الطاهر الجراح وليس لديه لاحول ولاقوه سوى نظرات عيونه التي يخيم عليها الرعب عيون تحمل سؤال يحير كل جواب ( لماذا )
ومن خلال متابعتي للجريدة التي نشرت الخبر قيل آمه من عذبه وقيل روج آمه ومازال التحقيق مستمر وليس الأهم عقاب من عذبه الأهم هوا حمايته وحماية كل طفل ضائع بين الأحضان لضمان مستقبله فهم احباب الله وقد استعجلني المي لوضعها قبل نشرها بالصحف
( واليكم القصيدة والصور التي تحرك كل سواكن القلوب )

جبت الجريدة وخاطري رايقٍ حيل = قلت ابدا من صفحة تزيد ارتياحي
وقلبت لي صفحة قلبت راحتي ويل = من هولها دمعي على طول طاحي
كذبتها صدقتها احسبني في ابريل = لو قالها احدٍ قلنا خل المزاحي
قصة طفل تحزن قلوب الرجاجيل = وتضيق صدورٍ ولو هي براحي
طفلٍ رضيعٍ عاجلته الغرابيل = توه على الدنيا من الرحم صاحي
عنده التمر مثل الجمر توه حليل = لا ضامه امرٍٍ عبره بالصياحي
طاهر من دموعه تنوح المناديل = لو مرت دموعه على طويق ناحي
لعابه كادي والنفس نفحة الهيل = اعذب من النبع الزلال القراحي
حبيب ربي والفرح منه اغتيل = ياكيف ومن هو في عذابه استباحي
في صورته شفت الأسى كنه الليل = الخرمس الموحش بزفر الرياحي
للخوف في وجه البراءة مداهيل = وسم على أشباهٍ رقيقه وفاحي
مذهول شفته منصدم من تهاويل = مما جرا له آه والدمع ساحي
عبره وحسره ورعب كله بهاذيل = يكفخ كما طيرٍ كسير الجناحي
قمة احضن الصورة واقبله تقبيل = كني انا المخطي وطلبته السماحي
حبيب ربي بالخطاء يزاد تدليل = لجله نوقف لو يطول الكفاحي
ياناس في عينه ترجي ومراسيل = تكفون من يفزع ويطلق سراحي
شوفوا عيونه فيها كل التفاصيل = من شافه ماضني بنومه استراحي
خلعت أظافر ناعمة امرٍ يهيل = وجلدٍ رقيق غض كله جراحي
تكفون فزوا يالرجال المشاكيل = لايعصب حقوق الطفولة وشاحي
تركت طفل عند اللي مايقدر يعيل = اخطر من البارود وسط السلاحي
والمشكله ماهي كذا في المقابيل = من يحضنه من يرشده لصلاحي
يا أهل القرار الوضع مافيه تأجيل = لازم يحل الليل قبل الصباحي


نظرات يسكنها الرعب والفزع


خف الألم وحس بالأمان وغفت عيناه

هذا والله يحفظنا وياكم وفلذات اكبادنا من كل مكروه

لقراءة ردود و اجابات الأعضاء على هذا الموضوع اضغط هنا
سبحان الله و بحمده

التصنيفات
شعر وشعراء

العين تبكيك … لحظة غيابك شعر رائع

مقدر على هجرك ومقدر أجااااافيك
ومقدر اعيش العمر ساعه بلياااااك،،،

مثلك أنا لي قلب متعلق فيييييك
لو مات من حبك ترى العمر يفدااااك،،،

قلبي كريم وبالعطا دوم يعطييييك
صادق حنانه والوفا كله أعطاااااك،،،

مامر يوم نسى فيه القلب طاااااريك
لوغبت عني لحظه العين تبكييييك،،،

ياليتني حلم يزورك ويأتييييك
ويشرح لك إحساس ومشاعر ترجاااااك،،،

ليتك تشوف القلب وشلون يغلييييك
شهيد حبك قلب يرتاح لرضاااااك،،،

قلبي وزمانه والعمر قام يشكيك
ولقاضي العشاااق وقف وشاكااااك،،،

((أرجي السموحه ماقسى قلب مغليك))
ماأقسى عليك حتى لو تعذبت ويااااااك،،،

لقراءة ردود و اجابات الأعضاء على هذا الموضوع اضغط هنا
سبحان الله و بحمده

التصنيفات
شعر وشعراء

قصيدة (سهام العشق)

قصيدة (سهام العشق)

سهام العشق تغزو كما الحرب في ميداني

لا تقبل بمساواة تقتل وتنهب قلوب وأفكاري

رعشة تصيب صاحبها كأنه لم يرى أنساني

يهيم في وادي من الآهات حل آلاما وأشجاني

تخيل يعشقه أكثر من والديه محبة وأحزاني

فصدق من قال ياما من الحب ما قتل خلاني

تحياتي سيف الهاجري

لقراءة ردود و اجابات الأعضاء على هذا الموضوع اضغط هنا
سبحان الله و بحمده

التصنيفات
شعر وشعراء

عساهم لا دروا بك شعر رائع

عندما يكون الحب من طرف واحد فمايكون الحال إلا:-

أغض الطرف لامن لاح زولك … وعيني تسرق النظرات صوبك
وأغير دربي لاشفتك حبيبي … ورجلي عيت إلا في دروبك
أعاندها ؟ وكيف أقوى المعاند ؟ .. وأنا كلي يعاندني بصوبك
أشدّ العزم بالكتمان لكن … وش عزومي إذا هبت هبوبك
وإذا دار الحكي عنك هملته … ولاكني سمعت اللي حكوا بك
وإذا قالوا فلان( ن ) ماعرفته؟ … أجاوب : من؟ وقاموا يوصفوا بك
ولايدرون كل حرف( ن ) حكوا به … يردد نغمته قلب امحسوبك
تعبت أضحك وكل الحزن فيني … وتعبت الكر في ساحة حروبك
وضاق بخاطري سيل المشاعر … عسى في يوم ينساب بخصوبك
متى تدري حبيبي بالمحبه ؟! … وتروي غصني الضامي عذوبك
وتدري كل خلق الله فينا … أوان تدري ،، عساهم لادروا بك

لقراءة ردود و اجابات الأعضاء على هذا الموضوع اضغط هنا
سبحان الله و بحمده

التصنيفات
شعر وشعراء

ياكيـف أبضـحـك يابـشـر وشـلـون

أضحـك وأقـول أن المخاليـق يبـكـون
وأبكـي وأقــول الـكـون كـلـه سـعـاده

متناقض(ن)ماأبغى المخاليـق يـدرون
حـتـى الـدهـر يـانـاس طــول عـنـاده

أضـحـك أذاقـالـوا المخالـيـق بتـهـون
وأكـتـم عـلـى ونـــات قـلـبـي زيـــاده

ياكيـف أبضـحـك يابـشـر وشـلـون ؟
دام الفـرح عبـد(ن) والاحـزان سـاده

ياكيـف أبضـحـك يابـشـر وشـلـون ؟
دام الـحــزن كـنــه وســـام وقــــلاده

ياكيـف أبضـحـك يابـشـر وشـلـون ؟
دام الحزن شخص(ن) وصدري بلاده

ياكيـف أبضـحـك يابـشـر وشـلـون ؟
دام الـحـزن بـــارود كـابــس زنـــاده

ياكيـف أبضـحـك يابـشـر وشـلـون ؟
دام الحـزن صـار فــي دنيـتـي عــاده

منكـم مـن اللـي يسعـده قلـب مطعـون
ومنكـم مـن اللـي ينجـرح لـي فــؤاده

تقبلو تحياتي

لقراءة ردود و اجابات الأعضاء على هذا الموضوع اضغط هنا
سبحان الله و بحمده

التصنيفات
شعر وشعراء

انا الغموض اللي حياته عجيبه كلام جميل

هذه شيءً من اختلاجات النفس ومما طرا من الذكرى التي مرت في خيالي لا يتسع المجال لذكرها
….

انا الغموض اللي حياته عجيبه = وانا الغريب اللي سكن دار الاجناب
وانا الذي تحليل نفسه صعيبه = وانا الذي اطى على روس الاصعاب
وانا الذي من دون خل وحبيبه = وانا الذي موج البحر فيه ركاب
وانا الذي قدت السرايا حريبه = وانا السلام اللي رفع راية اصحاب
ذقت الحياه القاسيه والرطيبه = اللي بها ضرس ومفاتيح وانياب
ارسل كتيبه وانتظرلي كتيبه = وارسل مكاتيبي ويأتيني اكتاب
مرات افوز ومر شفت الغليبه = حربً نسعرها بلا شلف وحراب
واليا قنب ذيبً اجاوب قنيبه = ماهمني ذيب الخلا منه ما هاب
والعلم لا مني بغيته اجيبه = اضرب على الكايد بلا .. هم وحساب
واليوم نفسي من عناها تعيبه = مما حصل ياربعنا عارضي شاب
حياه عشناها علينا غريبه = من رحمتك يارب تفتح لي ابواب

اخوكم البركان

لقراءة ردود و اجابات الأعضاء على هذا الموضوع اضغط هنا
سبحان الله و بحمده

التصنيفات
شعر وشعراء

آسف كلام جميل

حبيبتي ليه تهجريني حرام
خليتي الصواب في حياتي خوالف
نسيتي ماكان بيننا من كلام
كلام نطقت به هذي الشفايف
خليتي حبنا خليتي اجمل غرام
يصير سالفه من كثير سوالف
ماأقول غير على الحب السلام
وأقول على زماني حسايف
حبيت أنسان مابقلبه حنان
آسف على الحب وعليك أنا آسف

بقلم هاني ( تعبت ياحب)

لقراءة ردود و اجابات الأعضاء على هذا الموضوع اضغط هنا
سبحان الله و بحمده

التصنيفات
شعر وشعراء

خـَيرتِني ولا تركتِ حلّ – من الشعر


خـَيرتِني ولا تـَرَكتِ حَلّ

على ر ِسْلِك يَمّسَلطِنـة عَليّ لا تفرضين
دِنياكْ إلـّ مارضـَخــتْ لـِجـِدمي لفـُضها
ماني من أرخومْ أسلــومْ وعليه تتلونين
أنا دنيايّ يـــومْ تـِجَــــرحني جـَرَحتها
رُبيتْ عالجَـرحْ يشتــري بيّ واشترين
الجرحْ يوم(ن) يهـدني كبريائـي ضَمِدها
دوري على غيـري كان ودك تتفرعنين
أنا يَمدَورن غثكْ دنيايّ صَعْب(ن) تِهزها
مَنكِرْ حياتي معك حلــوة(ن) طعمها شين
بس العشرة معـك صارنّ ضَئيلّ قـَدِرْها
ولا هَدَمتْ بيتْ وعَبَثتي بظهري تهدِمين
أعيش المُرّ ولا سطـوة الغـُبن ونـَصِلها
و ِشْ فادْ كِثرْ الصياحْ من كنتِ تِصيحين
أرملة ولا صرتي مَغيـرْ نـَفسِكْ خَسَرْتها
وياما غفرتْ زلاتْ يـِنـــــدى لها الجبين
مَمْتـَعَضتِ وزدتِ مِنْ طينْ حِقدِكْ يبلها
وبنت(ن) لنا عنـــــــدك علينا لا تفرحين
بكـرى يـِضـجْ مَضجعك خـَبَــرْ عُودْها
أستقطعتْ لها رصيدْ حُبْ نِدا وياسمين
قسـم مـن تِـشِـبْ لجعــــلْ السَعَدْ يـِذِرْها
ويا جِعِله اليبوسْ من وشالِكْ تتصوخين
عز الله ما فعلْ خيــرْ غيرْ دِنياكْ هَدمْها
أشره على من بيـده الأمرّ ولا فعل زين
حتى بعدْ هَجركْ نِصيحة(ن) ولا جَدَمْها
ولا جِمعْ خَصمين وأصبحْ قاضي ويدين
تَرك الحقْ والباطلْ نارْ تاكلْ حَطـَبها
عَطيتْ وياما عَطيــتْ وشِتـَلـتْ وتدرين
بسّ حَسايفْ ما بانْ فـي عينـك ثـُمرها
عِشْ إنفــراد ِ العُمـــــرْ أضغانــه سِجين
دونكْ حياتي أنا ~ يخـضوضَرْ شِعِـبْها
كِنت مــن داخلي أنـــزعْ وأنتِ تلبسين
حتى تحتْ رِجلـكْ وطيتْ أنزعْ دَنـَسْها
أشري من الضُما عَطش ولاتستبشرين
ذي حالّ كل حالّ دنيايّ هــو ما فهمها
وخَيَرتِني ولا تركتِ حلّ مابين خيارين
بَسّ الوُكادْ اخترتْ دنيايّ يلي رسمتها
اسمي ~ وعالمي ~ وفني ~ وعـَلـِيين
ويا العين يل تذرف على ماضي ثقبتها

بقلم طالب بن خليفة العربيد

لقراءة ردود و اجابات الأعضاء على هذا الموضوع اضغط هنا
سبحان الله و بحمده