 |
 |
|
|
بسألك كيف نتقابل دامنا ليل ونهار . . . . . .لو تقابلنا تموت الناس وتقوم القيامه كيف وإحنا بالتناقض قلب ثلج وقلب نار . . . . . .قلب ماعنده هيام وقلب ميت من هيامه النصيب اللي جمعنا عاد واللي صار صار . . . . . .ماعلى قلبي ملام ولا على قلبك ملامه لكن آسف وأقبلي مني رسالة أعتذار . . . . . .ظرف حب وفيه ورد وبين طياته حمامه عله آخر ما يكون من الوله والأنتظار . . . . . .وعل ماتبقى تحت جفني من الفرقا علامه دام ما للحب عندك أي قيمة واعتبار . . . . . .ليش عذبتي خفوقي واستغليتي غرامه ليش ماكنتي معي في نفس المسار . . . . . .قبل أعيش أيام موت القلب وآلام انقسامه جيت وعيوني هدايا شوق وأحلامي كبار . . . . . .ورحت رجل مامعاه من الهموم إلا عظامه من عرفتك والأماني طايرة والنوم طار . . . . . .منطوي والبال يشرب وحشة الليل وظلامه وأعترف لك كنت أحبك حب حتى الانتحار . . . . . .كنت أحس بضعف قلبي لا سمعتك والهزامه لين شفت أن الفراق أحيان مامنه فرار . . . . . .قلت أفارقها وأموت ولا أعيش بلا كرامة وإلا أنا والله قبلك ماعرفت الانهيار . . . . . .لين شفت بموق عيني نار دمعة وابتسامة لو خذلتي حب قلبي واعتبرتيه أنتصار . . . . . .ما خذلتي راسي اللي ما خضع للوقت هامه بالغلا ماعاد يجمع بيننا درب ومدار . . . . . .كوكبين وكل كوكب له مداه وله نظامه بعد ما قلت اتركيني واتخذت أصعب قرار . . . . . .مستحيل أرجع وأنا رجل ما ينزل مقامه خوذي آخر مابقالك في شفاهي باختصار . . . . . .روحي بحفظ الكريم وغادري"مع السلامة" وإن خذتني غربة الفرقا لمستشفى شهار . . . . . .قلت عاشق طار عقله ما تراجع عن كلامه يوم شاف الليل لا يمكن يقابله النهار . . . . . .قال روحي والوعد يابنت في يوم القيامه |
||
 |
 |
