التصنيف: النكت و الألغاز

السؤال الأول
انت توك صاحي من النوم وطفشاااان ووااااصلة معك .. قمت تغسل وجهك
وتفاجأت بنملة تبي تدخل خشمك .. ما هي ردة فعلك
1- تمسك النملة وتفعصها بإصبعيك وأنت تكركر ومستانس و تقول :
والله يا أنتي نملة منسمة تبين تخترقيني .. هع هع هااااااي ..
2- توخر النملة عن وجهك و تطيرها وانت تشتمها
3 – تخلي النملة تدخل خشمك

السؤال الثاني

رااااجع من المدرسة أو الكلية او العمل .. المهم وتلقى الواااالدة سرحانة في الصالة
تفكر وش تصلح بكرة إذا بغت تسيير في الضحى على أم صويلح .. ماذا تفعل
1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول :
الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى ..
تقول لها : قلبي تولع في الرياض .. حب ورثته من الجدوووود
<<<هع هااااااااااااااااااي والله تسحيبة يمة
2- تجي بشويش من ورى أمك وهي سرحااانة وتصرخ في أذنها وتقول :
مساااااتس الله بالخير .. وطبعاً هي بتنفجع وبتقول وجع الله يمسيك بعصا إن شاء الله
3- تطلع غرفتك وماتسوي شيء

السؤال الثالث

انت توك مقيل وماخذ لك قيلولة على كيف كيفك ونااازل الصالة إلا
وتشوف خواتك الصغااار عند سبيس تون طااايرة عيونهم .. ماذا تفعل
1- تجي يعنني تكنس وتغطي عليهم التليفزيون <<< أحلى يا أليسا
2- تجي يعنني بتشبك شاحن الجوال وتقوم تفصل فيش التليفزيون .. وتقول : أوه آسف
3-تقعد تتفرج معهم

السؤال الرابع والأخير

بعد العشاء اشتهيت تويكس ونزلت تشتريه من البقالة ولقيت سيارة خويك عند باب البقالة
1- تنسم كفراته الأربعة<< ههع هههههااااااااااي
2- تسلم عليه وتلزم عليه يعزمك على العشاء
3- تشتري له تويكس معك

النـــــــــتيــــــــــــجة ..

أعط نفسك لكل اجابة رقم واحد 3 درجات
ولك اجابة رقم 2 درجتين
ولكل اجابة رقم 3 درجة وحدة

9 – 12
أنت مرجوووج جداً ..
حالتك خطيرة .. وقد تتحول رجتك إلى هبااال رسمي .
الحل : خل امك تهمز راااسك بزيت سيارات ثمانين مرة بالثانية وإن شاء الله ماقدامك إلا العافية .

5 -8
أنت مرجوج بس على نذااالة شوي ..
مستوى رجتك معقول لكن لا تستخف دمك كثير لأنك بتجيب العيد .
الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..
اكل عصفور قبل الغدا مرة في السنة .

4 – 5
يا أخي انت منت في الدنيا .. ميت والناس حيين ..
انتبه على نفسك لأن أهلك احتمال ينسووووك إذا بغو يسافرون.
الحل : تحتاج الى كورس رجة مكثف
ولكم مني خالص الرجه ,,,