اني جتفني زماني بحبل وشباك
الناس تنام حضن بحضن وشباك
واني بطول اللحاف اسود عليه
كلامــك يا حلـــو وياي عدله
وصحيبك لو عـوج وياك عدله
طريقك ملتوي يا عيني عدله
اعوج لو عدل انت اليه
اسعد شخص بالدنيا من شفتها
ردت ما ترمش عيوني من شفتها
كلت خل اروي شفتي من شفتها
حللت خدها وحرمت شفتها عليه
حضر سويت لاجلك من حضرنك
ونسيت انت وكفتي من حضرتك
من وره خشمك تكلي من حضرتك
حضرتي الجنت تاخذلي تحية
صرت عطشان حبك حبيبي وانت كاسه
والعشق بعدك خساره وانتكاسه
اذا دوري حبيبي وانت كاسه
ارفعك لو خسران العب ميه…..
قرص نعناع خدك وانت هيله
الحسن بس لجنابك وانت هيله
تراب اللحد بيدك وانت هيله
ويظل اسمك حلو وغالي عليا
حبيبي الدهر بجفاكم بلانه
قدر مـكتـوب من الله بلانـه
شـلون تنام يالغالي بلانه؟
وماتحن لصدري وضـمة ايديـه
كم مره يزعل مني واراضي
ويدلل على گليبي واراضي
مابقت عندي املاك واراضي
بعت حتى هدومي العـليـه
ممكن يا دنياي محبوبي يخوووووووووون
عشرت عمر ويا ما ظنتي تهووووووووون
ادك عليك يكول الطلب جاري@
وعليك الدمع فوك الوجن جاري@
ريتك يالعزيز تصير جاري@
وشوفك كل صباح وكل مسيه
نحيل الجسم من بعدك تراني
واريدك دوم بعيونك تراني
وافكر بيك كل لحضة تراني
وسالك هم تفكر دوم بية
:pangel4::pangel4::pangel4::pangel4:
:pgocart::pgocart::pgocart::pgocart:
"
