المشهد الاول
وحدة مزيونة بالحيل…….و حبيبة …
بس تخون !!!!
وش اسوي بجمالها؟؟
بياخذها الزمان و تبقى عجوز …..
عادي……..طاح الحطب………. و حلوة الحياة
المشهد الثاني
غني و ظالم ………
يطرد المساكين……و يستغل الضعوف
مغرور و فاسق ……
و مجلسه عامر …….
كلن يبهر له ……..
و مع ذلك يجمع حسنات…….من كثر اللي يسبونه
عادي……..طاح الحطب………. و حلوة الحياة
المشهد الثالث
يكد يدرس و يشتغل ……….
لاجل يبني مستقبله …….
تزوج و جاب عيال……ثم تقاعد
صار يسكن في مكان…..و أم عياله في مكان
والسبب العيال ……
صار دار المسنين بيتهم …………
عادي……..طاح الحطب………. و حلوة الحياة
المشهد الرابع
تغازل و تاخذ ارقام ………..
و تطلع مع هذا…..و تواعد هذاك ……..
و يوم طاح الفاس في الراس …….
بكت ……..
و راحت تشكي لامها غدر الزمان …….
طبطبت عليها امها وقالت :
ولا يهمك ….. سفرة …. وشوية سيولة
و ترجعين……
عادي……..طاح الحطب………. و حلوة الحياة
المشهد الخامس
مرفوع الكفن أبيض ……
وصاحبه وسط البياض ………
بعضهم يبكي…….و بعضهم عادي
دفنوه…..و تبكبكوا شوي
و اخر الليل سكارى ………
عادي……..طاح الحطب………. و حلوة الحياة
المشهد السادس
سيارة مسرعة ……..
و تدعس لها واحد ……..
مسكين هندي……….
و العسكري صديق الطايش…….
والخطا نصه على الهندي……
والباقي على أبو الطايش……….
و في الليل…..الطايش يلعب بلوت
عادي……..طاح الحطب………. و حلوة الحياة
المشهد السابع
قارورة مويه ……
ما تضره …….طايحة في السيارة
يناظرها بغضب…….زعلان منها
و يفتح الشباك …..و رماها وسط الطريق
واذا اجتمع مع الشباب قال :
متى بنتحضر؟؟؟؟؟؟
عادي……..طاح الحطب………. و حلوة الحياة
المشهد السابع
اهم شي الثوب نظيف…….و الشماغ مكوي …………..
و القلم ماركة……والساعة تضوي ……
و الجزمة جلد…….والسيارة عجب ……
و تلفونه ما يسكت ……
إما بنات …..
أو البنوك تبي فلوسها …….
. عادي……..طاح الحطب………. و حلوة الحياة
المشهد التاسع
سطحية …….و مغرورة
غبية……و متكبرة……و يا ريتها حلوة
تبي زوج مواصفات……
ما يقول لا…….ويكره الاستراحات
لازم وسيم…..و انيق…..و متعلم…..و دخله ممتاز
و يحب السفر………
و بعد سنين……تلاقي نفسها
تدور واحد يقبل بها …….
عادي……..طاح الحطب………. و حلوة الحياة
المشهد الأخير
الكذب اثم………ومع ذلك نستخدمه
و ندري ان هذا حرام……..و مع ذلك نجربه
نتذكر السهرة و الفرح و السفر …….
و ننسى الجالسين على كتوفنا ………
و نتناسى ان معهم كتاب يسجل افعالنا و نياتنا …….
كل شي محسوب …….
حتى النظر ……
نسينا ان ورانا يوم……علاماته قربت
ومع ذلك كلنا ناسين …….
أن بقيت على حالك تتناسى …….لازم تعرف
ذاك اليوم مهوب عادي
انت الحطب
وما به حياة
أحببتك كطيف لايعرف عذاب الكلام
