التصنيف: قصص وروايات

بسم الله الرحمن الرحيم
كان هناك خمسة من العاملين الكادحين الذين ضاق بهم الرزق في قريتهم الصغيرة فتوجهوا الى بلدة صغيرة مجاورة يعملون و يكدحون و كانوا يأتون الى اهلهم في عطلة الاسبوع ليقضوا معهم يوما سعيدا الا خامسهم فانه كان ما ان تبدأ الشمس بالمغيب و يحل المساء و يصلي صلا ة المغرب حتى ينطلق مسرعا الى قريتهم و يبيت هناك مع اهله ثم يعود في صباح اليوم التالي الى القرية التي يعمل بها فسخر منه اصحابه
و قالوا له: ما بالك تحمل نفسك ما لا تطيق و تقطع الطريق الطويل لتنام عند اهلك و ليس لك زوجة وأولاد فقال لهم: انني اذهب كل ليلة لأبيت في الجنة فضحكوا منه وقالوا: اننا نراك رجلا عاقلا قبل اليوم فيبدو ان غربتك قد أثرت عليك فاذهب الى طبيب حتى يراك لعلك تشفى ان شاء الله

قصه حقيقيه اصبحت حديث الموجهات في الرئاسه العامه لتعليم البنات بجده

وصاحبة المصيبه هي

معلمة فيزياء

ماذا فعلت هذه المعلمه بـ آيات الله عز وجل؟؟؟؟؟

فسرتها على كيف كيفها بلا مسؤوليه ولاخوف

لاحول ولا قوة الا بالله العلي العظيم

والحدث هو:

حضرت احدى الموجهات حصة لمعلمة فيزياء وكان الموضوع عن الفضاء والكواكب

ولأن ادارة التعليم عممت على جميع المعلمين والمعلمات ربط موادهم العلميه بالدين

انظروا كيف ربطت؟؟؟؟؟؟؟؟؟

قالت المعلمه :

طبعا يابنات اليوم درسنا عن الفضاء

وطبعا اكيد تعرفوا ان {اول رائد فضاء عربي مسلم هو الأمير سلطان بن سلمان حفظه الله}

الى الان ماشفنا شي

ثم اكملت

وطبعا الامير سلطان ورد ذكره في القران الكريم وانه لن يستطيع صعود السماوات الا هو..!!

الى هنا جن جنون الموجهه فقامت حائره

وقالت:

انتي من وين جبتي هالكلام ؟؟؟؟؟؟؟؟؟؟؟؟؟؟؟

قالت المعلمه للفتيات والدهشه تملأ وجوههن

الم تسمعن قول الله تعالى في سورة الرحمن

{يامعشر الجن والانس ان استطعتم ان تنفذوا من اقطار السماوات والارض فانفذوا لاتنفذون الابسلطان}

فهذا دلاله على صدق القران الكريم حيث فعلا صعد الامير سلطان الى اقطار السماوات

*******

طبعا اخوتي حصل تحقيق مطول

واجبرت المعلمه على اخذ دورات تربويه

وانذرت بعدم تفسير ايات الله من مخيلتها عبثا

وتم التوضيح ان السلطان هنا هو العلم والقوه وليس صاحب السمو حفظه الله

ولاحول ولاقوة الا بالله العلي العظيم

*******

هناك سؤال يطرح نفسه:

لو لم تكن هناك موجهه بالحصه؟؟

كيف سيكون حال بعض الطالبات اللواتي يصدقن اي امر بلا تفكير كيف لو ان هناك موجهه
لاتراعي الامانه تحضر الحصه وهي نائمه ولاتعلم مايدور فيها واخر الحصه تخرج وتقول : شكرا يا ابله حصتك مرة {جذابه}

(اللهم لا تؤاخذنا بمافعل السفهاء منــــــا)
شرايكم بالله ؟؟!!!!!

تحياتي للجميع ،،،

القصة حدثت بعمارة بمنطقة سلوى بالكويت
كانت خلود جالسه قدام دريشتها وفي ايدها صورة حبيبها محمد وقاعده تغني في اسم محمد .. وهي سرحانه تسمع صوت من دريشه لي شقه الي قدامها ..

جاسم : الله صوتج وايد حلو .. ويفتح الدريشه ولا يطالعها .

خلود : ويعه وانت شكو .. تسمع على بنات خلق الله ..

جاسم : انا اسف انا كنت يم الدريشه ابي افتحها وسمعت صوتج ..

خلود : مو انا كنت متوقعه انا شقه الي قدمنا مافيها احد فاضيه ..

جاسم : أي لانه تونا ساكنين اليوم ..

خلود : زين خلاص لا تطولها .. يالله سكر دريشتك ..

جاسم : وليش تسكرين علي حياتي ..

خلود : شكو دريشه في حياتك ؟؟

جاسم : لانه منها القى ما بقى من حياتي ..

خلود : اوووووه شكلك مينون .. انا ابي اسكر دريشتي وارتاح منك .. ( وتسكر الدريشه )

ويبقى جاسم عند دريشته يطالع لي سماء وهو سرحان .. وتم خلود تتابع جاسم من وراه ستار دريشتها وهو ما يدري عنها وتستغرب سرحان جاسم طويل لي سماء وهو جالس يكتب في دفتر كان ما يفارق ايده .. وبعد اربع ايام فتحت خلود الدريشه قصدت منه تهويت الغرفه وفي ايدها الثانيه تليفونها النقال تكلم فيه محمد ..

خلود : محمد شفيك صار لك مده ما تكلمني شنو الي مغيرك علي

محمد : ( بدون نفس ) مافي شي ..

خلود : شنو مافيه شي انا مزعلتك يا محمد ..

محمد : اوووه تراج اذيتيني وياج ما عندي غيرج يعني !!!

خلود : محمد انت شنو قاعد تقول ؟؟

محمد : اقول خلود انا مشغول مع السلامه ..

خلود : بس محمد .. ( ويسكر التليفون ) ( ويفتح جاسم الدريشه وهو حاط على ظهره بطانيه صوف وبايده المرتعشه ماسك دفتره ويطالع لي سماء ويكتب في دفتر وملامح ويها تبين عليه التعب ) و خلود ( ماسكه في ايدها التليفون وفي ايد ثاني حطتها على راسها وتفكر )

جاسم : ( يطالع لي خلود وبصوت ضعيف ) صباح الخير ..

خلود : ( تطالعه ) نعم ..

جاسم : اسف على الازعاج بس حسيت من المفروض علي اصبح على جارتنا ..

خلود : هذا انتم يا الشباب ما تشوفون بنت الا .. ويقاطعها صوت مسج من محمد وتفتحه بسرعه ( خلود خلاص انسيني انا لقيت غيرج مع السلامه ) وتنصدم خلود من محمد وتحاول تدق عليه ويقاطعها صوت مسج ثاني .. ( خلود تراني عطيت خطي حق ولد خالتي لا تحاولين تدقين علي ) ومن هول ما شافت يطيح التليفون من ايدها الى ارض العماره ويتكسر .. وتنزل الدمعه من عين خلود وهي ساكته ما تعرف شنو تسوي ؟؟؟

جاسم : عسى ما شر شنو السالفه ؟؟

خلود : ( بنظرات حقد ) انتم كلكم نفس بعض الله ياخذكم ويحرقكم مثل ما حرقتوا قلبي

جاسم : بس انا .. ( وتسكر دريشة غرفتها بقوه لي درجة انه تكسر زجاج الدريشه )

زاد تعب جاسم شوفت خلود جي .. وحس انه يضايقها وعزم انه ما يفتح دريشته لما يشوفها .. علشان ما يضايقها .. وتم على هذا مده مو قصيره .. ومن ناحيه ثانيه كانت خلود حزينه على الي سواه محمد فيها وكانت تفكر وتراج كلامه خافت انه في كلمه قالتها له وضايقته فيها .. بس ما لقت شي ما عمره طلب منها شي غير انه عطته بدون حدود ولا كانت تنطر منه كلمة شكر وكان هو بعد بخيل فيه لها ..

وبعد فتره حست بعدم خروج جاسم لي دريشته الي كان متعود عليها وكانت تنطره فتره على اقل تتاسف له على سوته علشانه .. بس ما شافته وصارت تنطره عن دريشه فترات طويله من النهار بس ما طلع ولا اقترب من دريشة ..

وفي يوم كانت مستعجله تبي تلحق على باص المدرسه فتحت دريشتها ولقته توه فاتح دريشته ولما شافها كان يبي يسكرها ..

خلود : لحظه لحظه ..

جاسم : يفتح الدريشه .. هلا ؟

خلود : شوف في كلام ودي اقوله لك بس انا مستعيله الحين اكلمك العصر اوكي الساعه 5 .. يالله مع السلامه لانه باص المدرسه ينطرني تحت

جاسم : ان شاء الله اذا قدرت مع السلامه ..

خلود لا تكفى حاول ..

جاسم : ان شاء الله ..

وتروح خلود لي مدرسه وتعد الساعات علشان تطلع ولما طلعت تمت في غرفتها تطالع الساعه لين تي الساعه 5 ولما يت ركضت لي دريشتها وفتحتها بس ما شافت جاسم عند الدريشه .. جلست قدام الدريشه تنطر وتمر الدقيقه وراى الدقيقه وتجري الساعه وراى الساعه وينزل ظلام الليل على سماء الكويت وتزيد ظلمة غرفة جاسم ظلمه لين يت الساعه 10 بليل وقالت خلود حق نفسها اكيد هو زعلان ولا منحرج مني ولا راح يجي ابي اسكر الدريشه وانطره بكره وتسكر دريشتها وتحس بنور من غرفة جاسم وترد وتوخر الستاره عن الدريشه وتشوف ام جاسم تفتح الدريشه ويدخل جاسم لي غرفته على كرسيه المتحرك ويقترب من الدريشه وتحط بطانيه صوف على كتف جاسم وترسم على جبهته قبله من شفات امه وتطلع من الغرفه ويقترب جاسم لي دريشه وعينه الى سماء ويتمتم في كلامات وتنزل من عينه دمعه .. وتفتح خلود الدريشه

خلود : ( بصوت خفيف ) قوه

جاسم : ولا يحس فيها ..

خلود : ( تعلي في صوتها ) قوووه ..

جاسم : يلتفت لها ويمسح ما نزل من خده من دموع .. هلا اسف ما انتبهت عليج .. واعذريني لما تاخرت عليج بس ما كان في ايدي توني جاي ..

خلود : لالا مو مهم اهم شي انك رديت .. بس انت شنو قاعد تقول حق روحك .. اشوف شفاتك تتحرك وتنزل دمعه من عينك ..

جاسم : اقول ( ابتسم واضحك تره الدنيا حلوه )

خلود : الله وايد حلو كلامك ..

جاسم : مشكوره هذا كلام اقص على روحي فيه ..

خلود : وليش تقص على روحك ..

جاسم : مو مهم تعرفين .. ولا ودي اقوله لانه وايد يعذبني ..

خلود : على راحتك وعلى العموم انا كان ودي اتاسف لك على الي صار هذاك اليوم ..

جاسم : يعني انا ما كنت مضايقج ..

خلود : هي مو سالفت مضايقني بس كنت ..

جاسم : كنتي متزاعله مع محمد ..

خلود : لا حنا خلاص افترقنا .. وانا مو متحسفه عليه لانه هو الخسران خسر قلب كان يحبه ..

جاسم : واليوم ..

خلود : اكره .. اكرها على كثر ما حبيته .. اكره .. والله اكره ..

جاسم : لا تحلفين الي يحب ما عمره يكره ..

خلود : والله اكره يا ..

جاسم : جاسم ..

خلود : عاشت الاسامي يا جاسم .. وانا اسمي خلود ..

جاسم : عاشت ايامج .. وعاشت الاسامي يا خلود ..

خلود : تسلم .. خلاص يا جاسم لو سمحت لا تذكرني فيه .. زين ابي اسئلك سؤالين ممكن ؟

جاسم : أي حاضر ..

خلود : انا كل مره اشوفك اشوف وياك كتاب هذا ماسكه وياك وتقعد تكتب فيه شنو تكتب ؟؟؟

جاسم : اكتب قصص .. هوايه من انا صغير نسيته فتره ورديت لها من سنتين ..

خلود : وشنو تكتب وليش رديت لي كتابه ؟؟

جاسم : اكتب اشياء وايد كل شي يخطر على بالي … ورديت له من سنتين بسبت مرضي ..

خلود : سؤال ثاني ودي اقوله لك بس مستحيه ..

جاسم : لا قولي لا تخشين في قلبج ..

خلود : انت من متى على ..

جاسم : على الكرسي .. انتي شفتيني ..

خلود : أي مو انا كنت انطر ولما سكيت دريشتي امك دشت غرفتك وانت دشيت وراها وشفتك ..

الصيني قبل لايمووت ؟

رجال راح لزيارة زميله في المستشفى

وبعد ما اتطمن عليه, دعا له وقدم له الهديه, سأله من هذا

اللي معاك في الغرفة !!

فقال له هذا واحد صيني مريض فقال طيب خليني ازوره واكسب

اجر هوأول ما وصل جنبه صار الصيني يصرخ " شون شا شووك شكا ما شنن

شاو شووو شن كووو فن تش تش خش شن "

صاحبنا قال هذا شكله بيموت وهذي وصيته ..

خليني اكتب الكلام اللي يقوله آخذ فيه أجر بتوصيل وصيته

والمشكلة انو مايعرف اللغة

فقام وكتب الكلمات اللي قالها الصيني !!

وبالفعل بعدها بلحظات مات الصيني المسكين !!

وجاء أهله لاستلام الجثة فراح صاحبنا لمواساتهم وقال لهم اصبرو اصبرو

أريد أن أعطيكم شيء … ولدكم قبل أن يموت انا كنت جنبه وسمعته يقول
هالكلمات يمكن تكون وصيته >>>
وحس انو ريح ضميره
المهم قام وعطاهم الكلام اللي كتبه بسرعه
بعدين سالهم عن اللي قاله الصيني وعن معناه