ياليت ان الزمن يرجع ورى ولاالليالي تدور

في احلى من الطفوله وبرائتها اياااام يحن لها اكيد كل واحد/هـ فيكم

** حبيت انزل هالموضوع اللي يقرقع بخااطري منذو مبطي **

ودي اعرف اهو انا بس اللي تجيني هاذي الطواري

ولا فيه احد مثلي ؟؟ !

بصراحه لي فتره وعموماً انا على طول احن واتذكر الماضي واتمنى ارجع اعيش ايامه .،.

يعز علي كل شي تغير في حياتنا الناس .،. الشعور .،. الاحساس !!

* فيه ناس يعيشون لماضيهم يتذكرونه في كل لحظه يقارنونه دووم

بحاضرهم ويعذبهم

هالشعور .،. لاني منهم حاسه بكل كلمه كتبتها .،.

* وناس عايشين ليومهم وبس يعني يعيشون كل لحظه فيه كانها ماراح

تنعاد عليهم .،.

لاباجر ولا بعده واعرف كثير من هاذي النوعيه ومروا علي واغبطهم من

قلب .،.

* وناس ماادري ليش عايشين مع احترامي لهم .،.

تخيل انك لو تسال احد منهم : //

* تذكر هذاك اليوم وذكرياتنا ياااه ليته ينعاد امانه شنو ودك

تسوي لو يرجع .،.

شنو بيكون شعورك ؟؟

بيقول لك ://

* اي يوم حمد لله انا مااتذكر شنو تغديت اليوم عشان اتذكر هذاك اليوم

وذكرياتنا !!!!

ذولي النوعيه عايشين حاضرهم بدون ماضي يعني ماعندهم احساس باي لذه

عاشوا

يطالعون للمستقبل وبس .،. عايشين للي جاي .،. واللي فات انمحى من

شريط حياتهم .،. شلووون الواحد يقدر يدفن ذكرياته بسهوله .،.

ومع هذا هم اللي عايشين !!

ويكون دايم في بالك وودك ترجع للي مضى وللاسف

مابيدك ترجع له ولاتنساه .،.

ياالــــلـه شقد اتمنى ارجع طفله مااعرف شي مع انه كنت اشوف نفسي

انا افهم وحده

وما يمشي علي اي كلام واتذكر مواقف كثير مثل //

اذا شفت امي وابوي يسولفون يعني بتشفير عشان ماافهمهم اقوول :

ياحرام ع بالهم اني ماادري شيقولون لا انا عارفه كل شي بس اسوي

نفسي مو فاهمه << وانا من جنبها

أول مادرسنا طبعاً فترة" الروضه " .،.

تدرون اني اذا شميت ريحة عصير التفاح يطرى علي يوم كنت

بالروضه .،. !!

كانت في الفرصةاكلنا عصير تفاح وتوست فيه جبن وفواكه ..!!

ماانساه ابد وربي كل ماشربت عصير التفاح لازم اشم ريحته قبل لا

اشربه .،.:)

تجيني نشوه بداخلي .،.

تحيي فيني شي فات من حياتي مر وانتهى وتعيشني فيه من جديد .،.

لدرجة احس بنفس احساسي يوم كنت طفله !!

* غريبه كيف للبراءه والطفوله ريحه تذكرك فيها .،. ودي اعرف ليش ؟؟

لما قريت عن حاسة الشم عرفت انه هذي الحاسه هي اقوى الحواس .،.

" سبحان الله " !!

احن لايام الدراسه ودي ارجع البس نفنوفي<<ثوب المدرسة

.،. وامي تسوي شعري .،.

اتريق والبس شنطتي .،.

واطلع برى انطر الباص .،.

بأيام كانت البراءه هي حلاوة طفولتنا .،.

// نروح المدرسه بدري ونضحك داخل الطابور .،.

نحاول نزعج العالم في روحتنا وجيتنا .،.

// وعشان ناخر الحصه نخبي علبة الطبشور .،.

نشاغب بس في الاخر تميزنا براءتنا .،.

//

ولكن كيف هالدنيا تغيرت .،. ولا الناس تغيروا .،. وين الشعور اللي كنا نحسه ومحسسنا

انه احنا بالوجود !!

* ودي اعرف احساس كل طالب وطالبه في هذي الايام شنو يحسوون فيه ؟؟!

يعني انا بالنسبه لي كانت احلى مراحل حياتي لما كنت بالابتدائي

والمتوسط .،.

يااااه كنت عايشه بكل مافيني .،.

// ولكن دارت الايام وبان الخافي المستور .،.

وصار الهم متعلي ع قمة سعادتنا .،.

// كبرنا وصارت الدنيا تصف احزاننا بالدور .،.

وتهدينا الالم والهم غصب عن عين رغبتنا .،.

// تعبنا من بلاوينا احد غارق واحد مقهور .،.

وكلن غارق بهمه وفي الاخر تشتتنا .،.

* بالنهايه اتمنى اني مازدت الجرح جرحين .،.

ولكن شنو احلى من الذكرى .،. مع انها تهد الحيل .،.

ودي كل من يقرى بعثرتي يجاوبني ع السؤال اللي محيرني ؟؟!

// هو انت /ي .. تحسون باللي احسه وفيه اشياء بمجرد ماتشمون ريحتها

ترجعون

لورى سنين ؟؟ //

.. }{ .. سفيرةالغراام.. }{ ..