ابي افرح بفرحك وازعل بزعلك

حبيبي ليه متضايق وضايق خلقك؟
تراني ضقت من ضيقتك
مااحب اشوفك مهموم وشايل الدنيا فوق راسك
قول لي وشفيك وش اللي مكدر خاطرك
وش اللي مخليك حزين وشاغل بالك
انا احبك ومون عليك افتح لي قلبك
خلني اشاركك همومك
ابي افرح بفرحك وازعل بزعلك
انا وانت مكملين لبعض وانت تؤوم روحي
يالله قول وش اللي مضيق صدرك
قال ماابي اضيق صدرك بهمومي
خلك مبسوط ومتهني بحياتك
قلت له حياتي اهي حياتك
وهمومي اهي همومك
وقلبي اهو قلبك وكلي لك
قال انا مااحب هالدنيا كل من حبيت احد راح
قلت له هذه الدنيا ناس تروح وناس تجي
قال حتى انت ماابي احبك
قلت له قلبي وعقلي معك وتقول مااحبك
قال اخاف احبك وتعلق فيك وتتركني
قلت له كيف اتركك وانا كل وقتي معك
قال اخاف يجي يوم وتمل مني
قلت ماامل منك شفت احد يمل هواه اللي يتنفس منه
قال بيجي يوم وتتذكر كلامي
قلت تراك ماتعرفني انا اذا حبيت احب بكل شعوري
قال اذا بتتركني قولي من الحين علشان اغير مساري
قلت له ماقصرت ويجي منك اكثر هذا كلام تقوله
قال هذه اهي الدنيا تجمع وتفرق
قلت له ماعاش اللي يتركك وينساك وماينسيني اياك الا الموت
قال جعل يومي قبل يومك انا اللي ودي اختفي من هالدنيا
قلت له ليه تبي تختفي ناوي تخفيني معك عن هالدنيا
قال احس انه مافي احد يحبني كل من حبيت احد مل وانسحب
قلت له وش تسمي وجودي معك بكل وقتي وغيرتي عليك
قال انا عارف انك تحبني وانا احبك بس خايف
قلت له خلك دوم جنبي وانسى الهم وماعاش اللي يفرقنا
قال الله لايحرمني منك ولا من قلبك
قلت له قلبي محظوظ يوم سكن بقلبك

إنشاالله تعجبــــــــــــــــــــــــــكم