خيانهــ والسببــ صورهــ
ثلاث سنين انا اخطط لهذا اليوم يابو سعود
تيسر حالي وجاهز اوفي وعدي بوقته
وفجأة!جتني تتعذر تقول تأخرت الوعود
وانا متغرب واسمع كأني وعدها خنته
حسبت انها تمازحني وتتصنع جفا وصدود
ضحكت بوجهها من قلب مع انهابايخه النكته
وقالت:ارضى بالواقع قلبي ماهو المعهود
تغير كل شي صوبي نصيبي ما اظن انته
كنت بيوم محبوبي ولكن ما اظن نعود
وصل من قبل ماتوصل وانا ذاك الصبر عفته
ولكن تكفى صدقني ويشهد ربي المعبود
ترى ماخنتك بغفله ولا كلمته وشفته
صراحة!اهلي قالولي بانه ولد اصل وجود
وجتني امه بالصوره وبكلمات المدح اخته
سكت وقلت هي فرصه مدام الجود بالموجود
وقالوا كل من حولي علامات الرضى سكته
وانا فكرت مدام ان امه واخته ما عليهم زود
اكيد ان براضيهم اذا وافقت واخترته
واراضي اهلي واخواني مدام ان الفرح مقصود
عطيت الناس انا كلمه ومعاهم وقتي حددته
تبي تشرح لي النقود!!!!
تبيني اقتنع وارضى بحال عمري ماعشته
انا ماني بقايل عسى يفرش ثراها ورود
بعد ماحطمت قلبي وطعم الموت جربته
عسى في فستانها اشواك وفي ثوبه عقارب سود
ونار تحرق الكوشه وتحرق بيتهم حتى
علي اهون اذا ماتوا وانا في ذاك السرير رقود
ترى صعب علي اتخيل اللي ماتخيلته
انا ماني حقود وشين ولاني من نسل نمرود
ومن حط نفسه بوضعي بيقول اللي انا قلته
مدام الفعل له ردت فعل والله ابشري بردود
بدعي دامني حي وبخرس للدعاء نبته
وباسقيها نزيف القلب ودمع ما رحم الخدود
وتكبر والثمر ثاري من اللي خانني وصنته
انا نذر علي اكتب وافجر هالقصيده رعود
واسمه كل بشر صوتي عجبته ولا زعلته
واردد للي يسمعني اذا حبيت حط حدود
انا حبيت دون حدود وشوف اللي تكبدته
ثلاث سنين انا ابني وجت صورة بكل برود
خذت مني شقى عمري وحلم قلت حققته
ثلاث سنين وانا اخطط لهذا اليوم يابو سعود
وتوافق من كلام اخته وصورة اربعه فسته
آسـف على الاطالــه مـع انـي اختصـرت كـلام كثيـر
منقول
