( وش بك حزين ؟ )
في عيونك هم وأسرار وســــــــهد
لا تجامـلـنـي ولا تـخـفــي الـدفـيــن
وأنــت بـايـن فــي عيـونـك يـافـهـد
قـلـت لــو بــان الخـبـر للعالـمـيـن
ضـاع جهـد ألّـي تعـنّـا وأجتـهـد
مـيـر خلـونـي عـسـى ربــي يـعـيـن
مـن قسـم للطـفـل ضحـكـاات المـهـد
خافـقـي ياخافـقـي خـلــك رزيـــن
بـيـنـي وبـيـنـك مـلازيــم وعـهــد
لــو يطـيـح الـسـر بـيـد الحـاسـديـن
ماتـنـم اللـيـل وآنـــا مضـطـهـد
وحــن تعـودنـا عـلـى مــد اليمـيـن
دايـــمـ(ن) نـبـنـي ولا نـرضــى نـهــد
وكــان زاد الـهـم عـنــدك سلـوتـيـن
جملة أشعاري مـع غـض النهـد
غن بلحانـي (( ياليـل العاشقيـن))
وأذكــر الّــي فــي غـرامـي مـازهــد
صااحـبـي وأن شـافـه القـاسـي يـلـيـن
عايـشـ(ن) فـي عـز مـاذاق الجـهـد
كـن فشفاتـه خـلاصــة حاجتـيـن
مـن عصـار الـتـوت مخـلـوط بشـهـد
وأن تمـادى همّـي ألّــي مــن سنـيـن
((الفـهـد ياخافـقـي يبـقـى فـهـد))
تحياتي لكم
