[BACKGROUND="90 http://im11.gulfup.com/2017-09-13/1315948815462.gif"]
السلام عليكم ورحمة الله وبركاته ..
تم بدء مسابقة ستار تعب قلبي – سمعنا صوتك
حياكم الله يالغوالي …رعاكم الله
راح اطرح هنا قصيدتين ..
عليك ان تختار واحده منها..وتشيله بصوتك العذب
أما شيله أو القاء
1- يكون صوتك واضح ..
2- تختم الشيله بمدونة تعب قلبي بصوتك
موفقين يارب
القصيده الاول لمشرفنا عوض المحلم ..
على مسافة عمر والشوق ذابحني
هذي الحظوظ القشر والهم صافحني
وهذي يدين الفقر تتحضن يدييني
على صداك احترق وأروح سامعني
وأجيك ما قلت لي وش قالته عيني
إن كان في ضيقتي ما أنته بنافعني
وش عاد غيرك في هذا الكون يعنيني
أنا الهوى فيك وأغلى الحب دافعني
ما جيت أدور تسدد فالعمر ديني
ياهقوتي فيك بالله قول وش يعني
لامرني طيفك العابر يحييني
أرد من ضيقتي أكيد بايعني
أكيد مع غمرة الأفراح ناسيني
هذي ظروف الزمان وفيك مانعني
لامن ذكرت الزمان اللي مصافييني
يشفع لك إني أسيرك وأنت وادعني
بس انتبه لا يجي لك يوم تبكيني
القصيدهـ الثانيه للعضو المميز عشق بدوي (فهد الزايدي)
والقصايد في غرامك وزنها والقافيــــــــهـ
جيت لك عاشق وقلبه ماسكنه احدن سواك
والمشاعر مثل روحي قبل اعرفك ساهيـــهـ
جيت لك بردان وانتي مابخلتي في دفــــــــاك
كانت ايامي جليد وفي وصالـــــك دافيـــــهـ
جيت وافي ياغناتي مالقيت الا وفــــــــاك
واشهد انك يابعدهم في غرامك وافيــــــهـ
انتي اجمل انتي احلى انتي اروع من ملاك
انتي نبضي انتي كلي انتي فعلا ساميـــــهـ
اشرقت شمس المحبه ياحياتي في لقـــــــاك
والحزن صار بحضورك مثل ذكرى ماضيـهـ
تختفي كل الوجيه ان بان وجهك مع ضياك
والعذارى ان كان جيتي يبلعن العافيـــــهـ
ابتديت بجيت لك شاعر يغني في هواك
والقصايد في غرامك تنتهي بالقافيـــــهـ
ملاحظه :من أراد المشاركه من الاعضاءو مشاركته لاتسمح له بفتح موضوع ف/يضع مشاركته هنا …
وباقي الاعضاء ..يقومون بنشاء موضوع ويضعون مشاركتهم
بعنوان ستار تعب قلبي مشارك
يتم اغلاق المسابقه يوم الخميس 24- 10 -1437هـ
أي استفسار ..اي تساؤل ..باذن الله متواجدين
لجنة التحكيم
عوض ملحم – عشق بدوي – ورنا هجرك
كل الشكر وتقدير لمشرفنا ..اشوفك على خير ..على جهده يعطيه العافيه
ومشرفنا ورنا هجرك لمتابعته المسابقه
دمتم في رعاية الله وحفظه
فديت قلبه 
[/BACKGROUND]
