هذه قصيده جديده وان شاء الله تنال اعجابكم
وهي بعنوان(شيبت ياراسي وانا توني شاب)
يقول من ضاقت عليـــه الليــالي
لا خيــر في دارن بليا رجالـــي
وقتي علامه ياهلي مــا صفالي
والوقت خلى اللي شباب يشيبــون
شيبت ياراسي وانا تــوني شاب
ولا فيه يوم ياهلي خاطري طاب
الوقت يلعب ياهلي لعبت الداب
هذا الصحيح وقولوا اللي تقولــون
يوم الله الله صــاحبك مــا يعينك
ولا تلاقـــي فالبشر مــــن يدينك
مير يازمن خذ نجدتك من يمينك
وتكل على رب الملا خالق الكـــون
اصبريامـــازن فوق ماهو يصيبك
وعرف سبايب جرحك انه قريبك
قال الزمـــن منهو قريبك حريبك
عشره يجيبون العلم وميـه يــــودون
يقولها اللي ذاق فالوقت الامرار
صابر على ماجاب وقته وماصار
قل المثل من عاش فالوقت صبار
يكسب رضــى ربه ويبديه بالعــــون
يوم الناس لان حبتك من شان مالك
وان كان مالك مــال عــزي لحالك
النــاس مــاتعبـــدك تعبــــد ريالك
لو كنت ماتسوى في الوقت كرتـــــون
هــذا كلام الصــدق ماهــــو بخايب
لاخير في جدرن على الساس عايب
ميــر الزمــن فيه العجب والعجايب
خلى وساع الصـــــدر فالوقت يبكــــون
كلامـــي المختــوم عطــر(ن) وكادي
على الرسول اللي على الشـرع هادي
دينه وصــل لاهل الحضر والبــوادي
صلوا علــى المحبوب ياللـــي تصلــــون
وسلااااامتكم
