تعالوا واسمعوا وش قال اسير القطريه ..!!

بصــراحه قصيده اعجبتني عن القطريه ونقلتها لكم مع العلم

ان بنات الخليج كلهم ما عليهم قصور … بس تعــالوا معاي نشوف وش قــال اسير القطريه

في القطــريه …

^
^
^

وقّفـي يالقطريـة وأسمعـي منّـي كـلامـي
سهمِك المسموم خلّى في فؤادي ألف عيّـه..

أفهمي معنى حديثي لا تزيـدي فـي هيامـي
لي هدف واضح وبيّن والهدف من حسن نيّه..

كلّما تمشين خطـوه زادت الخطـوه غرامـي
أرحميني لو بلحضه خففـي عنّـي شويّـه..

جاوبيني عن سؤالي وأسأليني عـن مرامـي
جاوبيني وين هلك ويـن دارك يـا صبيّـه..

وأن سألتيني لماذا قلـت لِـك مانـا حرامـي
ما بغيت إلا قرابـه تجعـل العيشـه هنيّـه..

العنيده سفهـت لـي عندمـا ولّـت أمامـي
كنّهـا قالـت حـذاري لا تزيـد العنجهيّـه..

كنّها قالت توقّف شوف أنـا بنـت الكرامـي
الشرف أسمي ورمزي ما نحب الفوضويّـه..

كن لحمي يوم ولّت أنفصـل عنّـه عضامـي
عاد قلبي يوم غابـت صـار دقّاتـه قويّـه..

ويش هو سر أنجذابي غيـر ذيّـاك القوامـي
والرشاقه يوم تمشي مثل مشـي الزولعيّـه..

في يمين الخشم شامه خشم ما مثله حسامـي
والبنفسج لون خـدّه والشفايـف كركديّـه..

والرموش اللي عليها مثل مجموعـة سهامـي
غطّت العين الكحيله در أبوهـا مـن بنيّـه..

إن ذكرت اليوم هذا طار من عينـي منامـي.
صرت أنا مجنون ليلى أو أسيـر القطريـة..

صـــح لســـان شــاعرها ..ابدع