يا سيدة ذاك المكان،،
صباحك خير،،
صباحي أنفاسك يا دفا،،
مساءك نور،،
مسائي ريحة يدك،،
قالوا خذ بنت عمك،،
قالوا خذ بنت خالك،،
قالوا عندك زين الشمال،،
قالوا عندك زين و دلع الساحل الشرقي،،
قالوا جنوب،،
قالوا الغربية،،
قلت ما أبيهم،،
ايه ما أبيهم،،
جيت يم نجد و طلبتها،،
أبي روح نجد الساكنة،،
أبي سيدة نجد،،
أبيها هي لأنها هي،،
اخترتها هي دون كل نساء المملكة،،
لأنها أعذب أنفاس المملكة،،
اخترتها لأنها اعجوبه،،
قلبي عرفها و أعلن جنونه،،
قالوا ساحرتك،،
قلت و توكم تدرون،،
ايه سحرتني بلطفها،،
ايه سحرتني برحمتها،،
ايه سحرتني بنجاحها،،
ايه سحرتني بكفاحها،،
ايه سحرتني بإصرارها،،
ايه سحرتني بزينها،،
ما يهمني غيرها،،
ما أبي البديل،،
أبيها ايه و أكررها أبيها،،
ينصت الورد لاسمع همسها،،
يتوه الوصف لامنه شم عطرها،،
لبيه يا مكانٍ ضمها،،
يا هنا ذيك الديرة تتنفس ملاكي هواها،،
مريت في طريق السفر على لوحة،،
و قريت اسم المكان،،
تذكرتها،،
فزيت بدون عقل و قعدت أتلفت للوحة،،
قعدت أتأمل اللوحة،،
شفتها على ذيك اللوحة،،
تعدينا اللوحة،،
لازلت أناظر ذيك الجهة،،
و قلت،،
يا بعد كل الديار،،
دار اللي أبيه و يبيني،،
