[BACKGROUND="70 #660066"]غطى على عينه من الشعر غره
وباقي لها عينن تبذ الخوافي
في عينها من ساحر اللون دره
واللي يجي منها على الناس كافي
يفر منها خافق الشوق فره
ومن شافها يعدم جميع العوافي
اصيلة الاعراق م الغيد حره
والزين صافي ومثله العرق صافي
تغني لها بيتن بليلي وتكرِّه
وينباح شي (ن) م المضامير خافي
كن الحلا ردنن بمشيه تجره
ثوب الحلى كنه على العود ضافي
نصيب قلبي منك حره وحره
والسقم منكم ضافي الشبر وافي
يهواك نجمن دار لك في المجره
امضى حياته لك بكثر الطوافي
مفتوح جيبن ناسي(ن) انه يزره
كن العقل من شوف الالوان طافي
حط الحلى الترحال واعلن مقره
كنه مشى لك عاري الثوب حافي
وش لك بشاعر طيف مثلك يمره
والطيف مثلك يا انجل العين جافي
عدم المسره شاف منك المضره
يا ساحر عيونن بك الموت غافي
ملك الكلمـ(محمد الحربي)ـــات[/BACKGROUND]
