الموج عاتي والهوى حرك الشوق
بحار ماهمه جموح السفينه
بحار ماهمه جموح السفينه
اطرد جهام الليل بمخايل برووق
الشوق طاغي والمؤاني حزينه
يمك حنين الشوق يسوقني سوق
ناش الضمى نزف الجروح الدفينه
الجرح ينزف والاَالم نشف عروق
الهم يلعبي بصابع يدينه
سريت واحساس القاء لهفته شوق
كلي هيام و منيتي شوف عينه
سافرت بالنظره على ساحل الموق
منتابني حد الهيام بحنينه
اطلق سراح الشوق ويتوق ويتوق
هديت شوقي والمشاعر سجينه
يجمح خفوقي فوق ويدق بخفوق
ويبدى عزوف الشوق يعزف حنينه
اشوف طيفك والمحه بالسماء فوق
ويحول ليل البعد بيني وبينه
غنيت مع لليل الحزن كم طاروق
وجاوب صدى صوت الليالي الحزينه
الياس خيم والامل ماله شروق
واجتاح جيش الهم سوراالمدينه
مال الهوى ياشوق في شرعك حقوق
شرع الهوى و الحب ما تفهمينه
……….
طاغي الشوق
