السلام عليكم ورحمة الله وبركاتــه ..
اسعد الله اوقاتكم بكل خير وسعادة ..
قصيدة اطرحها بين ايديكم .. إهداء لسموي خادم الحرمين الشريفين الملك عبدالله بن عبدالعزيز آل سعود حفظه الله ورعاه ..
وهذه القصيدة شاركت بها في مسابقة ( شاعر الملك ) التي تبنتها قناة المرقاب .. واتقبل النقد البناء بهذه القصيدة وبكل قصيدة اطرحها لكم ..
إليكم القصيدة بين ايديكم ..
نـبـدا بـذكـر اللـه ونـختـم بـذكـره *** والله على كل المواقف يعيني
ومن بعد ذكر الله وخيره وستره *** أباتغنى بكل شوق وحنيني
وناأحمدالله وأشكره ألف مره *** بعودة عوين الشعب طلق اليميني
أـبوي ابـومـتـعـب وللـه دره *** ابـويه الـثـانـي بـعـد والـديـنـي
شوفك ليامن ضاق صدري يسره *** أشهد شهادة حق وأحلف يميني
أنك لشعبك ماتحب المظره *** لكن على العدوان سيفن سنيني
شعبك يقول الموت ماعنه فره *** يعني لجل عينك فدتك السنيني
أشغلت بال الشعب وأشغلت فكره *** شعبك بعد فرقاك شعب(ن) حزيني
شيباننا تدعي وبالعين عبره *** وصغارنا ترقب على الشاشتيني
الشعب كله معلن(ن) كل بره *** الشعب كله رافعين اليديني
الشعب يهديلك من الورد عطره *** واناهديتك كل مايخص فيني
مدالبحر مدك مهو بمثل جزره *** من جزل مدك يابومتعب ثميني
صيتك تعداسهيل ويا المجره *** صيتك يهد السد لو هو متيني
يامرعب العدوان بحنكه وخبره *** كل العدا تخضع لهاك الجبيني
شبرك كفو ماغيرك ايطول شبره *** فوق الشجاعه فيك رحمه وديني
لاشك مانلحق معك ربع ذره *** ياخادم البيتين نعم العويني
الله يرحم شايبك وسط قبره *** اللي لنا جابك حمى المسجديني
ونختم بذكرالله وحمده وشكره *** والله يعين معاون المسلميني)
اخــوكــم : متعب عبدالله الشعباني
