مالوم رمش(ن) زينك – من الشعر

مالوم رمش(ن) زينك وارتاح بعيونك وذاب=ولالوم ليلك لو غفى والصبح ضيعه العتاب
مالوم مشتاق(ن) كتب شعره وهو مجنون فيك=لامن فقد اسمك ترك هالناس والدنيا وغاب
رتب حروفه فيك ياجمل قصيده والشعر=كل المعاني غصب من قلبه تجيلك بأنسياب
ضمه أذا لك شوق بعيونك وتكفى أحظنه=ولو ذاب في يدينك ترا روحه تعلت للسحاب
توه يقول أبغى أتوب من الهوى وأخاصمه=مايدري أن بعض البشر له عين تذبح بالنقاب
الهيبه الي لازمت شخصك وهي تستسمحك=حيرتها بوجودك الي منه خفاقي يهاب
ليل الحكي بأسلوبه الممتع شكى من بسمتك=أمسى ملك واصبح وهو من رمش عينك بارتياب
شفني على كثر أرتباكي وأنت سبت هالذهول=وشفني وأنا مجهز حروفي كيف ضيعت الخطاب
ماكنت أحس أنك بشر لكن أبسأل هالحظور=من فيهم الي صادفه بالحسن مثلك ثم طاب
اجمل حقيقه أنت حلم ولا أبي منه أفوق=راضي بكل الي يجيني لو يسببلي أكتئاب
ليتك تشوف القلب وعيون الوله بمودعك=وتشوف دمعات الغلا لامن رقيت براس ناب
صدقت أو كذبت ماتفرق معي دامك معي=بس المهم أتصدق أني منك عايش في عذاب
جاني شعور أني أبكتبك قصيده وأحرجك=بس أنقلب سحري وصرت اليوم منك في عقاب
وهذا قدر قلبي يحبك وأنت ماتدري بشئ=ورغم أقتناعه بالأمل لكن يطاردله سراب