أشوف موتي بين رمشي وبيني

أشوف موتي بين رمشي وبيني=وأصبر وأشوف الليل في ظلمته طال
الخاين اللي خان عشرة سنيني=حط الجروح بخافقي والزمن مال
نسى الزمان اللي عطيته حنيني=يومي معه واقف على كل الاحوال
ياما عشان الحب غمضت عيني=وأقول بكره ينتهي كل الاشكال
وأشوف بكره ضاع من بين ايديني=واللي عطيته قلب اعطاني اهمال
أشكي كسور بخافقي تحتويني=أصيح يحسبني أغني بموال
مغير طول الليل اساهر ونيني=والدمع الأحمر من خفى خافقي سال
هد الألم حيلي ولا عاد فيني=عانيت كم عانيت مااعطيتني بال
خلك فغيك ما ابي لو تبيني=ضيعتنا ياجعل عمرك للاهوال
ارحل وانا برحل وهذي يميني=والله ماارجعلك ولو يضعف الحال
ياللي بدون احساس لا تحتريني=خلك بعيد وعيش في وسط الأنذال
يا صبحي المجهول تكفى تجيني=خذني معك ببني على نورك آمال