متواضع – من الشعر

يابنت انا رجلن على قد حالي=ماني من اللي يملكون الملايين
ولاني من اللي منصبه حيل عالي=ولاني فقير ولاني يابنت مسكين
متواضع ابكل اللي املك ولالي=شي ن اتاجر فيه ولامن دكاكين
ولاهو عيبن اعترف ابحلالي=هذي حقيقه لازم انج تعرفين
انتي طلبتي سعر مني خيالي=وانا تراني مبتلش بين قصدين
تبين ست اميه وانا آه جالي=الضيق من مطلبج ياحسره امنين
روحي ترا ابتلقين واحد بدالي=ومنه اطلبي مطلبج يمكن تلاقين
ولاتحسبيني طايرن بالعلالي=لاتحسبيني مثل منتي تضنين
لاتغرج الكشخه ترا راس مالي=الكشخه اللي فيني دايم تشوفين
والجيب خالي دايم الدوم خالي=ينزل معاشي وينتهي بعد يومين
ولايغرج الموتر ولو كان غالي=اسوق شهريا له اميه وعشرين
كحلي وودي اصبغه برتغالي=على الاقل لو منه اكسب دنارين