بما انه ما احد رد علي باقول القصه ..
انا ودي اعرض عليكم قصتي على شان اطلع الي بقلبي وما لقيت الا اعزائي اعضاء منتدانا الغالي والله اني اعتبركم مثل اخواني والله شاهد علي..
نبدأ انا شاب عمري 19 مخلص الثانوي ساكن في الشرقيه وبداية قصتي هي عن الحب انا احب بنت عمي في الرياض
لي فتره وانا احبها يعني من عمري 14-15 وهي ماتدري ولا احد مرت الايام وجت العطله الصيفيه حقت السنه هذي
وهنا بداية قصتي…
انا سافرت بداية العطله انا وخالي لديرتنا في ((الخميس مشيط)) وقعدنا عند خالي الكبير واهلي باقي ماجو ولا عمي لانه عادته يجي كل صيفيه
ومرت اسبوعين وجو اهلي وعمي سوا وراحو ديرتنا لاني كنتقاعد في ابها وانا توني ما دريت انه عمي جا
وقعدت يمكن يومين وجو اهلي عند خالي الي انا قاعد عنده وسلمنا عليهم وسمعت انه عمي جاء له يومين
وراحو اهلي وانا باقي جالس طبعا اهلي متعودين يسكنون في شقه على شان الزحمه وكذا وانا متردد اروح مااروح..
بعدين غصبوني اهلي اروح لانه توهم طالعين من عزا توفة جدتي الله يرحمها..ورحت ودخلت عليهم وكان عمي لحاله لانه ودا حرمته وعياله وحبيبتي طبعاً معاهم اللي هي بنته ((على شان ما احد يضيع)) وداهم لبيت جدانها وانا من دريت وهي قافله فيني الدنيا
ونمت عندهم يومين كلها نكد لانها مو موجوده وجو بعد يومين وانا اروح الحلاق طبعاً شعري طويل مره وفاكين معاه اهلي عماتي وخالاتي
ورحت حلقت احلا حلاقه ورجعت البيت ولا البيت جت الساعه 3 الفجر وطلعنا فوق لاننا نقعد في غرفه تحت فيا تلفزيون ودش وطلعنا فوق انا
واخواني 3 الاول اكبر مني بسنه والثاني اصغر مني بسنتين والثالث اصغر مني باربع سنوات هذا شي اخذ منه الاخبار
ومعنا ولد عمي ((اخوها)) وولد عمتي عمره 16 ورحنا ننام طبعا في المجلس و جلسنا نسولف طبعاً البنات ينامون في الغرفه اللي جنبنا
وكنت قاعد على الفراش افكر شوي قلت خلني اشغل البلوتوث لانه كنا نرسل لبعض مقاطع واغاني شوي سويت بحث الا القى اسم زايد عنا
وكان الاسم((@sweet haert@)) على شان كذا انا محاط اسمي زيه وارسلت له صوره عاديه فيها شعر
شوي رد علي وكانت ملاحظات مكتوب فيها هل تعلم من اكون؟؟ وتحت مكتوب انا عزرائيل لانه حنا كنا نسمي عمي الي هو ابوها عزرائيل
ورسلت صور وكذا شوي ردت علي ((من انت ودي اتطمن انه انت اللي في بالي و قلبي
ارسلت ((انا من السحا كتبت S و لانه مافيه الا انا يبدا اسمي بالحرف هذا طبعا انا اسمي((سعد)) وقلت وانا ابي اتطمن انه انت الي في بالي وقلبي….شوي طلعت لي عمتي من الباب وقالت سعد تعال هذي عمتي عمرها 33 وللحين ما تزوجت الله يكون في عونها
من الرغم انها جميله بس نصيب وفاهمه الحب والحركات هذي وقالت لي انت الي ترسل قلت ايه
ليه منهو اللي يراسلني قالت ((عبير)) اللي هي حبيبتي واستانست مره وقعدنا نتراسل طبعا الجوال اللي معها حق زوجت عمي تعرفون معقدين اللي عندنا والله مايطلع لبنت جوال الا بعد الموت شوي اذن الفجر وقالت لي ((حياتي رح صل بعدين نكمل ورحت على بال ما اوضي رحت عند المغاسل
على شان اتوضا شوي نادتني عمتي من عند الباب وقالت لي تبي تشوفها ؟>>>انا انصدمت متردد ايه لا ايه لا بعدين قلت ايه قالت لي خل العيال يوضون ويصلون بعدين ….
صلينا وراح كل واحد لفراشه مكسر يبي ينام نادتني عمتي وقالت لي اطلع مع الباب الثاني طبعا في بابين واحد يدخل على الصاله الي هم ينامون فيها وباب يطلع للدرج ويدخل على الصاله من جهه ثانيه فتحت الباب طبعا فيه باب قدامي نايم فيها عمي ومرته وباب على اليمين يدخل على البيت و على اليسار الدرج فتحت الا فيه قمر واقف انا انجنيت والله انها جتني ام الركب لاني ماني متعود اشوف بنات كانت مدنقه راسها وكنا نهمس
على شان ما احد يسمعنا وقالت ((صباح الخير
انا يالله نطقت وقلت((صباح النور
وقعدت اطالعها منحرجه وانا منحرج اكثر شوي قلت لها احبك بسرعه وسكرت الباب ورحت على فراشي وقلبي يدق دق عمره ما دق مثله
وكنت مستانس
وقعدنا نسولف بالرسايل الين الساعه 11 الظهر وكان وقتها ماودي اتركها ولا دقيقه لاني ادري اني بانقطع عنها فتره ومن التعب نامت وهي ماتدري حتى جتني عمتي اليوم الثاني تقول لي الله يرجك خليت البنت تنام على الارض والجوال كان في يدها
وعدى اليوم الاول وجت عزيمه عند عمتي وعمتي ورجالها مستأجرين بيت جنب بيت جداني من واحد نعرفه ورحنا العزيمه وكنت كاشخ كشخه والله الي يشوفني يقول معرس والحمد لله شافتني وانتهت العزيمه وباقي الحريم عند عمتي طلعت لي عمتي اسولف معها
شوي كان معي ((كود رد)) مشروب طاقه عطيته عمتي وكانت امي موجوده وقالت لي بعدين لانها شافته معي مره وقالت لي هذا شفته مع عبير اثاري عمتي معطيتها وطلعت حبيبتي تحبه وسرت اشتري لها والله انها ما كان معي سياره ولا شي كنت اطلب ولد عمتي الكبير يوديني البقاله لانه مافيه بقالات قريبه واشتريلها كل يوم علك ((مدلعها))ههههههه
ومرت الايام…
وجا يوم كنا نسولف كالعاده بالرسايل وقالت لي يمكن بكره نروح عند جداني انا اقفلت فيني الدنيا
وضحت على شاني ووالله انها ماراحت قالت لعمي انها بتقعد تبيها عمتي
وراحو وخلوها وفي هذاك اليوم كنت امشي في القريه((تندحه)) شوي كنت اكلم خالي اللي كبري كنت افتحله قلبي واقول له كل شي عني كنت اكلمه شوي جاني انتظار عمتي وقفلت من خالي ودقيت على عمتي قالت لي تعال البيت فوق ابيك ورحت ركض
ودخلت وقابلت عمتي فوق قالت لي حبيبتك تستناك في المجلس الحريم ماكان فيه احد
بس الرجال كانو تحت في التكيه يسولفون انا يوم قالت عمتي انها تستناني في المجلس
تلخبطت وقلت لعمتي جيبي لي عطر وتعطرت وبع الموت دخلت المجلس وانا مدنق راسي
وسلمت عليه وجلست جنبها بيني وبينها ((تكايه)) ماكنت متوقع اني اجلس جنبها كانت امنيه وتحققت وجلسنا نسولف وشوي كذا قالو العشاء وقلتلها يالله تبين شي حياتي قالت سلامتك وانتبه على نفسك يازين الكلمه منها ورحت وكنت مستانس ويوم ورا يوم جا يوم وقلت ابي اجيب لها هديه ورحت السوق مع خالي واشتريت لها عطر ريحته مره حلوه وغلفته وحطيت ورود وكيس حلو ضبطتها ورجعت البيت وقلت لعمتي قالت لي تبغاني اعطيها قلت لا انا ابي اعطيها اول مره اصير جريء وقالت لي خلاص اضبط الوضع واقول لك تطلع فوق وتعطيها وصرفت العيال تحت وطلعت وجلست في المجلسوسكرت البيبان على شان ما احد يدخل بس تدرون انه الي يدخل على الثاني صعب قعدت ساعه وهي ورا الباب بالياله دخلت بعد مادفتها عمتي ودخلت وسلمت علي وكيف الحال شوي كذا خمس دقايق الا الباب يدق طخ طخ طخ انا خفت شوي عطيتها الهديه وراحت ركض
ودخلت وانا اسوي نفسي طالع من الحمام وافتح الباب الا اخوي الكبير وادخله وطحت فيه طق من القهر يقول جوعان ما جاه الجوع الا الحين
ومرت الايام الحين مر اسبوعين وراحو اهلي وبقينا انا واخوي الكبير وجا يوم الي هو اخر يوم لنا في البيت انا واخوي بنروح بنقعد يوم مع خالي ونرجع سوا
وقعدنا نسولف انا وحبيبتي الين الساعه 8 الصباح شوي انا ارسل الا ما ترد قلت شكلها نامت وانا انام واصحى العصر طبعاً انا ما اطفي البلوتوث الا والقى ؤرساله وهي كانت اخر رساله ((حبيبي@@احنا بنطلع واحتمال نروح بيت جداني
وكانت هذي اخر رساله منها
وسالتها قبل كيف نتواصل وانتي في الرياض قالت احنا نطلع كل اسبوعين او ثلاث للملاهي حقت حريم اللي تكون مسكره و ادق عليك من جوال خويتي
ورجعت الشرقيه ودقت علي قبل رمضان بيومين وسوالف يمكن نص ساعه بعدين سكرنا
وقعدت الين ثالث يوم عيد ودقت تتعذر لانها ما دقت في رمضان كله تقول رمضان وما نطلع مكان والا الحين ما دقت بس يجيب الله مطر ههههههههه
وانا الصراحه ما عرضت قصتي الا وابي منكم تقولون وش رايكم في علاقتنا وانصحوني
ومعليش اذا طولت عليكم….
وابي منكم ردود تكفون ….I LOVE YOU A
