••
السلام عليكم ورحمة الله وبركاته
قبل كل شي كل عام وانتم بخير بمناسبة رمضان…و تقبل الله صيامكم وقيامكم
طبعاً انا مشاركه بمسابقة كذا من ربي حبيتك
واسفه على التأخير لسببين اول شي سويت حلى الله لايوريكم طعمه الله لايعافي شيطان من عطاني الوصفه والثاني احتفظ به..
عارفه ماراح افوز بس الدعوه سعة صدر…وامي تدعي تقول كل يوم سوي 
وابشركم اختي تغسل المواعين ماشاءالله ظفره هع
المهم سويت حلى الكت كـات
2 بسكويت شاي مطحون
13 كت كات ابو اصبعين
3 بسكويت اولكر الدوائر
ا قشطه
أصبع زبده
1 اوريو اللي فيه ست حبات
فنجال سكر او اقل على حسب الرغبه
شوكولاته بودره ملعقتين كبار
3 ملاعق حليب بودره محموسه
حليب نستله وسط
6 حبات جبن كيري ((او اللي تبون))
يعجن بسكوت اولكر مع بسكوت الاوريو مع الحليب المحموس بشوي نستله
لين يصير عندنا عجينه متماسكه مثل الي بالصوره ونخليه على جنب
بعدين نجيب صينيه المفتوحه ونحط على الحواف الكت كات ويكون بينهم فراغات
وبعدين نجيب بسكوت الشاي المطحون نطحنه مثل هيكـ
ونضع عليه شوي زبده ويتم عجنه لين يصير متماسك ويوضع في اسفل القاعده
والطبقه الثانيه بتكون العجينه السابقه الي هي عباره عن بسكوت اولكر والاوريو
والطبقه الثالثه عباره عن 6 حبات جبن كيري وعلبة قشطه وشوي سكر على حسب الرغبه وشوكلاته بودره (وثلاث حبات بسكوت شاي)
وهالخطوه مهمه علشان الخليط يكون ثخين ولا ينزل مع الفتحات توضع جميع المقادير في الخلاط و يصب على الطبقات بحذر مع مراعات عدم خروج الخليط مع الفتحات
مثل مافي الصوره
ونخلطه مثل هيـك
ونصبه فوق الطبقه الثانيه ونحطه بالثلاجه لين يجمد شوي
وبكـذا نكون خلصنا منها
للتزيين: اللي تبون حطو أنا حطيت فليك الاصفر وام امز
وبالهناء والعــافيه
••
