السلام عليكم
كيفكم يابنوتات
عساكم بخير ومبسوطات
جايبتلكم وصفه بس مو تستغربوا دكتورة وتطبخ
عادي انا الحمد لله بأطبخ قبل ماادخل الطب
و هادي وصفة اليوم
صينية التوست
المقادير
عيش توست ابيض منزوع الاطراف
الحشوة:
دجاجه مسلوقه ومنزوع منها العظم ومنتفه + شرايح فلفل رومي و جزر وذرة مسلوقه
تشوحي الدجاج مع الخضار على الزيت مع اضافة البهارات ملح شويه صوص اسود فلفل كمون
خلطة الوجه:
3 علب قشطة
1 كاسه صغيرة جبنة سايلة او مايعادلها 3 ملاعق كبيرة جبنة سايلة
2 ملعقه كبيرة مايونيز
و تحطيهم كلهم في الخلاط و تخلطيهم
الطريقه:
ترصي التوسف بصينية بايركس مدهونه بشويه زيت او زبده و تحطي الطرف على الطرف التاني و تضغطي عليها
و تحطي عليها شويه من خلطة الوجه
و بعدين تحطي الحشوة
و فوقها كمان شويه من خلطة الوجه
و تحطي فوقها طبقة توست و تصبي بعدين بقية الخليط
وتدخلي الصينية في فرن ويكون حار و تكون درجة الحرارة 170 تقريبا و الطبقة الوسط للفرن
الى ان يشقر التوست من تحت
تقومي بعدين تنزلي الصينية لاول طبقة و تحمريها من فوق
و بالهنا والعافية
و احلى سلام
