طبعا اول موضوع لي في ذا لذا احتاج لدعمكم في الردود والتقييم والا ترى بازعل وبأقاطع المدونة<<بدينا حركات النص كم..
هالمره موضوعي غير شكل طبعا انا على يقين انه كل اللي بيدخلونه
ركب سودا فرجاء اي وحده سوريه ولا لبنانيه لاتدخل يرحم امها
مو ناقصين شماته لان النفسيات تعبانه- برا
ادري شكلي طولت عليكم بس فيه وحده ورا جالسه تطالعني بطريقه مو طبيعيه
اقول لها تنزل عينها لااوريها ركبتي تجيها صدمه نفسيه –ايه هين
وبصراحه اللي زايد سواد الركب هي المدارس اكيد مستغربين صاير اللون تحت العين
نفس لون الركب وخاصه اللي داخلين علمي ااااااااااااه بس لانفتح موضوع الدراسه نغرق دموع – متعوب عليها
ندخل بالموضوع
الركب الورديه حلم كل فتاه ….
طبعا معروف أن الركب السود علامة الجوده السعودية (تخصص صبايا )طيب والشباب؟
مايحتاج اكيد الوجية و الركب<<احس بانتصار هع
يوم كنت صغيره كنت دايم ابلش امي
يمه ليش ركبتي مو مثل ركبة حصة بنت خالتي بيضا تلمع <<حصة طبعا وحده من خيالي ولا اصلا مافي ركبة سعودية بيضا
امي:
روحي قطعي بصل لاتبلشينا
– يماااااه
طيب ارفعي معنوياتي شوي
وترد امي بكل مااوتيت من قوه:
يعني قلّت ؟
مابقى الا ركبتك تبلشينا فيها
انتي بكبرك خلف خلاف
رديت من القهر:
– طالعه عليك
ولا امدى الحرف الاخير يطلع من المخرج الا ذا الصندل اللي يمشي مليون يطبع على خشتي
وتمر الايام وتمر السنون
وركبتي حالفتن عليها كل يوم تسود عن اللي قبله
لين كبرت انا وكبرت ركبتي وصارت اسود عن قبل لا ومقلمه برمادي<<ناقصين..
كنت قاعدة مره وحاطه رجل على رجل
وكانت ركبتي تلق..
ووحده قدامي تطالع فيـّـه
والركبة عادة اذا سفطتيها (حطيتي رجل على رجل )تنمط وتصير افتح
انا العكس
اي حركه تضرب في المليان
وانا اقز وهي تقز
المشكله مااستحت ولانزلت عينها
وانا مستغربه ايش قاعده تطالع
يوم استوعبت وانا اللي اغطي ركبتي بسرعه
وتلتفت على اللي جنبها وتقعد تحش
وتضحك
لاحووووول
وش الحل مع هالسواد فشلنا
ماخليت لاكريم ولا فازلين ولا زيت الا ودهنت ركبتي فيه بس مافي فايدة
لين توصلت لخلطة ممتااااااازة
اختي الكريمه
ياام ركبه سودا
هل تريدين ركبة اطلق من ركبة نانسي عجرم؟
انقهروا يابنات
جددي حياتك بهذه الخلطة
إليك اختي خلاصة تجربتي مع هذه الركبه
ملعقة فازلين + ملعقتين كلوركس + خمس ملاعق فلاش + ملعقة فير اند لفلي .. ولاتهون موية النار
اخلطيهم مع بعض وادهني ركبتك ..هي مره وحده بس بعدها مانتيب لاقية ركبة سودا.. هذا اذا لقيتي ركبة اصلا
(افرضي الركبة صارت ورديه وش شعورك بالضبط في هذه اللحظه)؟؟؟
لو ركبي وردية اول شي بسويه بزاعلكم <<الناس احلامها ملايين وانا ركبة الله يخلف على امن جابتني
ثاني شي بسويه
بسوي حفل استقبال للركب البيض وشرط كل وحده تدخل لابسه قصير (ممنوع اصطحاب الركب الملونه)
اصلا موب حلو الركبة تكون بيضا (اللي مايطول العنب)
وعععععع ركبة ذي ولا قلة حيا
اصلا بيكون وقتها الساق والفخذ حيسي بيسي ماتعرف تحدد وين موقع الركبة بالضبط يعني لو ركبتي لاسمح الله بيضا
برسم عليها سهم واكتب(هنا ركبة ) عشان مااضيّع مكانها
بعدين احلى شي .. تلقون درجات الابيض الى الاسود موجوده في الشخص الواحد .. يعني من كل بحر قطره
…………………………
انهضوا ياشباب امتي الضائع (لماذا الدقم)
الدقم وماادراك مالدقم
ترا ماضيعنا الا هو
دقم = ان تدقم الشخص اللي قدامك بمحاولات لتتزعزع ثقته في ركبته
طيب ربنا خلقنا ركبنا سود وحنا راضين انتم وش دخلكم؟ (خشة وحدة منفقعة مرارتها)
اللي موب عاجبه يشرب من البحر,, واللي عاجبه اردى له
والآن ايها الشاب الفاضل
هل تتزوج من ركبة سوداء علما بأن وجهك اخي الكريم عبارة عن ركبه (يابخت من وفق ركب في الحلال)
مايستفاد:
1-ايها الشباب الكريم الى متى التدقيم < لاحد يفهم غلط..بالدال تراها ..ولا الراء هين غاسلين يدينا منكم
انت ايها الشاب فيك عيوب الدنيا .. نعم عيوب الدنيا
لا ويجيك الواحد يتشرط يبي ركبة بيضا وهو وجهه ركبة
2-انا مانيب مسؤوله عن اي محاولات مستدلخه من دلخة رمى بها اليأس لتنفذ محاولاتي البائسة على نفسها
3-كل واحد يطمح على قد مستواه
4- اي انسان يدخل يقول يسلمو ياعسى ايده الكسر يارب<<مو من قلبي هالدعوه.. ياتعليق ولا ترى باحذفه بالكيبورد – لاتعليق
واللي يدخل ومايرد يارب تجيه لوز لاني تعبانه ونزلت لكم موضوع- تمون
يالله سلاااااام بس خل اجي والقى واحده موطوط فيذا ولا حط رد كاتبه فوق وش مصيره ..
