((السلام عليكم ورحمة الله وبركاته))
كيفكم انشالله تمام اليوم جايبتلكم موقف حصل لي انا واختي الي دايم يحصل لنا مواقف سواء كانت طريفه او محرجه انا حبيت انزل لكم موقف صار لنا البارح يعني طاآآآآزجه توها حصلت المهم ما اطول عليكم..
قبل لااقول لكم السالفه اهديكم هاذا البيت"
والله لو اعلان الحب مسموح
لاعلن حبكم في قنات الجزيره
عندنا في الحاره جاره غثيثه وما احد ايطيقها وكل يوم في بيت المهم جا دورنا المهم دق الجرس علينا وكنت انا وخواتي جالسين سمعنا الجرس
قلت انا بنات والله دقت الجرس ماهي غريبه علي حسيت انها هي لانها اذا
دقت الجرس علقت عليه الين الواحد يفتح غصب قلت لاختي افنان روحي
افتحي الباب وشوفي اذاكانت اهي قوليلنا
فتحت الباب وجتنا ركض
وتركت الحرمه عند الباب بنات ام فهد جت ونا وختي هربنا فوق والباقي
تحت المهم جتها امي ودخلتها وجتنا امي قالت يالله يابنات تعالو سلموا عليها قلت لاولله ماني رايقه لها وبعدين هي اذا طالعت في الواحد ماتنزل عينها تحرجني بنضراتها
واسئلتها كثيره اذا اسئلتك قولي البنات مشغولات 
انزلت لها وجلسنا ساعه.ساعتين الحرمه طولت مالها نيه تطلع ونا جوعانه حدي
اناوختي المهم نبي ننزل للمطبخ قلت انا بنزل ونتي استنيني قالت لاوالله
اني معك تبين تاكلين
وترسلين علي بقايا اكلك شايفتني قطوه هههههه
نزلت انا وختي النشبه انانزلت الاولى وهي الي وراي وصلنا نص ادرج وكنا نمشي شوي شوي على شان ماتسمعنا المهم اختي تعثرت والاهي تبي تتمسك فيني 
ونا طبعن اتوازن مختلف وتطيح علي ونتقلب من نص ادرج ايلين اخره
مع اصراخ وامي تجينا ركض و الملقوفه تجي ركض ورى امي وترفعنا ويسمون علينا وحنا اشكالنا تضحك بدل مااحنا نجيها اهي الي جتنا وتقعد تضحك علينا يلعن ابو القهر والفشيله
من اليوم انتهرب منها وفي الاخيرجتنا
تسلم علينا بعد ماطلعت الحرمه مسكت اختي وطحت فيها تكفيخ 
قلت بعدين ياثور لاتمشين وراي.. بس احمد ربي ان اختي نحيفه ولا كان تلاقوني في العنايه المركزه خخخخخ.
يالله حبايبي باآآآيوو
مع تحياتي
((اسيرة الغربيه))
