يهتز قلبي يوم يطرونك
هزة محب له من الشوق فزه
هم يحسبوني ناسي يوم يطرونك
وإنت بفكري كل حزه
بعيوني الثنتين وبالدمع شافوك
قالوا بعينك واضحه هالمعزه
وسموني بإسمك وإنت بالقلب سموك
واسمك بقلبي احترس لاتهزه
~~~~~~~~~~~~~
ليه ماانسى جرحي وأبدأ من جديد
دامني حيّه وبعروقي نبض !!
ليه أعلّق نبضي بماضي بعيد!
وانسى نفسي هناك والدنيا ركض !؟
ّّّّّّّ~~~~~~~~~~~~
انا حلمي أصبح بقلبك خبير
وإنت حطمت طموحي والأماني
يفقد أسلوبك الإحساس الكثير
من غرابيله انا لليوم اعاني
انا طالب حب بإخلاص وضمير
وإنت أستاذ تخصصك اناني
عطيت غيري ممتاز مع التقدير
وانا لامقبول ولا دور ثاني
~~~~~~~~~~~~~~
بيني وبينك بعد وحدود وأسلاك
غالي وتبقى وين ماكنت غالي
ياليتها يومين… والتالث ألقاك
وصلك نهار وب ع ث ر ت ه الليالي
~~~~~~~~~~~~~~
غردي ياطيور الجو فوق الجبال
وأرسلي له سلامي واسرعي بالجواب
وارعدي ياسحابه فوق عالي التلال
وترجمي له شعور بعد طول الغياب
واحملي له عبير الورد تحت الظلال
وارسلي له نسايم من رذاذ السحاب
~~~~~~~~~~~~~~
أنا بعمري ماجرحت إنسان
وأحب كل الناس وأغليها
قلبي كبير وصدري الميدان
صابر على الدنيا ومافيها
لاشفت دمعه في عيون إنسان
أحاول أخفي العبره وأداريها
ياريت لي قدره على النسيان
وأنسى جروح القلب وأشفيها
~~~~~~~~~~~~~~~~~~
فوق الجروح اللي بقلبي من سنين
يكفي دخيل الله لاتجرحوني
وش من عذابي والعنا مستفيدين
وش مصلحتكم يوم تبكي عيوني
مادامكم منتم لجرحي مداوين
إنسوا وجودي بينكم واتركوني
~~~~~~~~~~~~~
تعبت أرد الموج والبحر مجنون
وعجزت اطفي النار والجمر غابه
رجيت بعض الصبر والعزم مدفون
بأرض المصير اللي لحقني ترابه
لوبيدي شي ماعشت من دون الغالي
اللي مارحمني غيابه
~~~~~~~~~~
ابتسم فإن هناك من يحبك … يعتني بك… يحميك
ينصرك… يسمعك…. يراك … هو الله
ماأخذ منك إلا ليعطيك
ماأبكاك إلا ليضحك
وماحرمك إلا ليتفضل عليك
وماابتلاك إلا لأنه يحبك
لذا آمل أن تبتسم
~~~~~~~~
لاتواخذني على قل الوصال
الامل مأبيك فيني تقطعه
الوفا بيني وبينك لايزال
لويميل قلبي لغيرك لأمنعه
كل شي فيك يناديني تعال
وكل شي في فؤادي يسمعه
لكن اعذرني على قل السؤال
في خفوقي لك حروف اربعة
(أ ح ب ك )
