مسآآآء صبااااح الخيييير
أتمنى أن تنال رضاكم
ياناشدن عني وش آخر علومـي&&أنا علومي مثـل ماانتـه بخابـر
صديق دايـم للشقـا والهمومـي&&ورغم الغرابيل متحمّـل وصابـر
أبا الحياه وراية المـوت تومـي&&والموت ماخلا طـوال الأشابـر
أحيان ماتاسعني أوسـع هدومـي&&وتنسد في وجهي جميـع المعابـر
وأحيان فارس كل قبـاً قحومـي&&وآطا على خشم المصاعب وآكابر
صبرت لين أزريت واليوم يومـي&&أبا أكرب حزامي وأقاوم وأثابـر
مدى طموحاتي تعـدّى النجومـي&&واقدامي توقّف على أعلى المنابر
هاذي تقاليـدي وهـاذي سلومـي&&ميراث كابر عن مواريث أكابـر
كم لي وأنا حظي يطيح ويقومـي&&لاكن على ماقال سالـك وعابـر
أبعدت رجلي عن دروب الرخومي&&هل المظاهـر والبـلا فالمخابـر
وعطيت درب الطيبين القرومـي&&لو من غثا الدنيا تشيب الصوابـر
أساير الدنيـا وأقضّـي لزومـي&&أوشرهة التاريخ علـى المحابـر
هاذي حيـاةٍ سعدهـا مايدومـي&&لابو حيـاةٍ(ن) تاليتهـا المقابـر