حسي بلوعات الليالي والاحزان
بعدين حسي بالهوى لابغيتي
وش بة يهمك لو يقولون زعلان
.لو فيك ذرة من غلا ماجفيتي
ياللي تقولين الخطا زلة لسان
في زحمة الايام لية اختفيتي
خطاي وينة مدري الذنب وش كان
لية انتهى ذاك الغلا وانتهيتي
وقفت في وجه الزمن قدر الامكان
وانتي جنح فيج الخيال وانتهيتي
غلطان انا في كل الاحوال غلطان
أسرجت لك خيل القصيد وسريتي
جيتي وقلتي الجرح يوم أقبلت هان
وانتي على الجرح القديم أرتكيتي
قلتي لي ان الحب لابد ينصان
واليوم ما كنك دقايق ..هويتي
شافوك حساد الهوى شوف الاعيان
يومك على رجم القصايد رقيتي
مابان شي ولا بقى شي مابان
بس انتي ياللي غافلة ..مادريتي
العام لك طاري بقلبي ولك شان
واليوم أحس بغلطي …لاطريتي
وإن قدر المولى وعشتي بحرمان
ومن حر لوعات التجافي بكيتي
تذكري قلبن لة سنين شفقان
.شوفي بحقة ياكثر ماخطيتي
كل القصيد اللي اقولة على شان
تهزك الذكرى عقب مانسيتي
تحيتــــــــــي
منقــــــــــــول
