هل نحن مختلفون ام متخلفون؟؟؟ للنقاش

شبعنا من اساطير حنا غير .. وحنا فوق ..

شبعنا من كل آل فلان خيالة وعليهم رزة الراية ويازين محمد بينهم

..حتى لو هالمحمد سكير مايعرف الصلاة ..

وغيرك ينقص وأنت تزودي … بس ماعرفنا وش ينقص ووش نزود …هذه بالذات مااحبها لاني احس فيها عنصريه زيادة….

ليش أحنا غير …؟؟؟

وش يميزنا عن غيرنا ؟؟؟

لاتقولون الأسلام … ادري هالشي مايختلف علية 2

بس هل تعتقدون ان كل من تحت راية هالدين يعملون بة؟؟؟

كم واحد تعرفينة مسلم وهو مايصلي ولا يعرف ربة ؟؟؟

وش سوينا عشان نحس أننا مختلفين عن الكل ؟؟؟

وش قدمنا لمجتمعنا ولا لبلدنا ؟؟؟
وش قدمنا للأسلام وبأيش خدمنا الدين
هل عكسنا الجانب الحضاري لغير المسلمين
الاجانب اللي عندنا ليش نظرتنا لهم دونيه ؟؟؟مع ان لوسافر واحد منهم راح يترك مكانه فاضي
لان احنا غير

أجيال ورى أجيال يكبرون وريشة التميز فوق راسهم .. يمشى الطفل ووراة السواق والشغالة ..

وحتى لو ضربهم محد يقولة شي ..

لأنة غير.. ولين كبر حدث ولا حرج .. تكبر الريشة معه .. وتتوسع دائرة الأقزام حولة ..

اول جملة تجي على لسانة }- من أنت عشان تسوي كذا ؟؟؟

وأذا كان عاقل ..قال }- البيت بيت ابونا والقوم طردوونا

نحتاجهم .. ونلبس منهم .. وناكل منهم … بس نكرههم .. وقناعتنا قائمة أننا أفضل منهم ..
ونقول بعد ليش يكرهونا؟؟ ايش قدمنا عشان يحبونا؟؟

ولما أستشرى فينا مرض التعالي , صرنا نتعالى على بعضنا البعض ..