نفسى الاقى
حاجة فيكى يا بلد تتحب
مش لاقى
أنا المدبوح فى حبك
مع أنى مش لاقى
هو أنت عملالى عمل
ولا سحرلى
طاب ليه دايما يابلد
ساكنه فى
عقلى وقلبى وبالى
نفسى أكرهك
لانك بصراحة ما تتحبيش
نفسى أسيبك
لانك بصراحة متتعشريش
نفسى أدفنك بالحيا
زى ما دفنتينى علشان أعيش
هو أنا أبنك ولا أبن حرام
ليه يا بلد قتلانى
وكل أما اطلب حقى
يقولوا مافيش
عمرى راح فى حبك
ملعون اللى يحبك وما يلقيش
هو أنتى أية يا بلد ما بتفهميش
هو أنتى أية ما بتسمعيش
صوت عيالك فى كل ميدان
أعلى من صوت الاذان
هو أنتى ليه دايما سايقة
الهبل على الشيطنة
وكأنك مفيش
هو أنتى لية دايما متخدرة
وكأنك شربة حشيش
أمتى هتفوقى لنفسك
على طول مدا أيدكى
لللى يسوى وما يساويش
لحد أمتى هاتفضلى عايشة
على المعونات والبقشيش
عيالك يغيروا العالم
أنتى لية ما بتتغيريش ؟؟؟؟؟؟؟؟؟؟؟
لا تكونى عمية يا بلد ومابتشفيش؟؟؟؟؟؟؟؟؟؟
عملنا ثورة حركت الكون
وانتى لسه ما تحركتيش ؟؟؟؟؟؟؟؟؟؟؟؟؟
يا تكونى زى ما أحنا عايزين
يا ماتكونيش
مش هنفضلوا منك محرمين
وغيرنا بيهبش تهبيش
تعبت منك يا بلد وتعبتى منى
وحياتنا كلها تلطيش فى تلطيش
أنا كل اللى أنا عايزه يا بلد
أنى أعيش
الشاعر
عبد الحميد بدوى
