ياصبر قلبي على قسوتك واطباعك=انا اشهد انه معك ياخي نفد صبري
لو ان مالاعني في غيبتك لاعك=ماكنت تشعل لهيب النار في صدري
ياكيف قلبك على قسوتك ذي طاعك=تجرح خفوق ٍ شراك وانت به تدري
ماتدري انه بوسط القلب مرباعك=وانك مع الي جرى في خافقي تجري
يا بايع ٍخافق ٍ والله ما باعك=معلي مكانك وانته مرخص ٍ قدري
يفرح لفرحك ومايتحمل اوجاعك=لاحس ضيقك بدا فيه الوجع يسري
الخافق الي الا بان القمر جاعك=ماخان ودك ولاطاوع هل المكري
يامهتني الزاد والرفقه ومهجاعك=ماقد طرالك غرام ٍ دوم لي يطري
ياليت موال جرحي يوصل اسماعك=وترجع لقلبي وتجبر جيتك كسري
ياليت ترحم حبيب الروح ملتاعك=من قبل ماعنك ارحل والتحد قبري
بقلمي
أميرة الشعر
تحيتي لكم
